BiDa Cup inintrahan ki 9 barangay; Buyo, It-Ba, Pawa kampeon!

Pagkatapos kan matrayumpong Mayor’s Cup kan nakaaging fiesta, isinunod digdi ang Bichara-Daep (BiDa) Cup. Nagpuon an pakawat kan Disyembre 10 hanggang 23 na iyo na an championship game buda awarding. Inintrahan ini ki mga para-basketball hale sa manlaen-laen na barangay digdi sa Manito.

Pawa St. Vincent (Winning team sa Senior Division) (Left-Right, back) MVP Ramon Sinforoso, Ricardo Cruz, Crisanto Nolong, Rolly Atuli, Eric Declaro, Joy Briones, Joey Briones, (Left-Right, front) Jojo Briones, Kap. Eleuterio Daep Jr., Princes Daen Elqueiro (muse), Mercy Daen, Paulo Rebamba buda Manager Manny Perez Daen. Photo: Manny Daen

Si Mr. Joebert A. Daria, ang committee head kan cup, naging “Maogma kasi naging successful so activity maski na ngani grabeng problema lalo na sa paghahanap nin budget na idadagdag…”

Igwa ki tolong (3) division ang pakawat: midget, junior buda senior. Apat (4) na barangay an nag-intra sa midget division iyo an It-Ba, Buyo, Pawa buda Tinapian; siyam (9) sa junior division: Tinapian, Hologan, Buyo, It-Ba, Cawayan, Bamban, Cawit, Pawa buda Nagotgot; buda lima (5) sa senior division iyo an Pawa, Bamban, Buyo, It-Ba, buda Hologan.

Photos: Edward Dajac

Kan petsa 11, saro an Hologan buda Bamban sa mga nagkawat. Sa 4^th quarter natapatan kan Hologan su score kan Bamban, pero sa remaining minutes kan quarter, naglamang man giraray su Bamban. Gana ang Bamban sa score na 73-80.

Kan championship game na nagkaalaman kun sisay talaga an karapat-dapat na manggana. Ipigdeklarang Most Valuable Player (MVP) sira Francis John Baloloy (Midget Division), Reynald John Daen (Junior Division) buda Ramon Sinforoso (Senior Division).

Sa Midget Division, 3^rd Runner-up ang Tinapian, 2^nd ang Pawa, 1^st ang Buyo buda It-Ba ang nagchampion.

Sa Junior Division man, 3^rd Runner-up man giraray ang Tinapian, 2^nd ang Bamban, 1^st ang Hologan buda Buyo ang nagchampion.

Sa Senior Division, It-ba ang nag 3^rd Runner-up, Buyo nag 2^nd, Bamban ang nag 1^st buda Pawa ang nagchampion.

Natapos an pakawat na may maray na resulta. Segun kay Mr. Albert D. Briones, saro sa mga organizers, “BiDa Cup 2017 is another event that is successfully executed. Sa kabila ng masamang panahon, naging matagumpay at peaceful na natapos ang laro with the help of the technical committee which is the referees and the organizing committee headed by Joebert A. Daria and Hon. Nong Espedido.”

Mensahe niya man sa mga jovenes o kabataan, “Just try and show your talent, it’s (basketball) one of recreational events that can complete your life if you have passion to it… study first, be good academically…”

Dakula man an pasasalamat ni Mr. Daria sa mga nag-intra ta naging cooperative sinda buda talagang naintindihan so rules na ginibo ninda. Pigpapasalamatan niya man an mga maiigos buda maaasahan niyang myembro.

-- Gemalyn R. Dawal sa tabang ni Glorilyn D. Reodique

Manito's Time, December 31, 2017