Sirkulo kan Buhay na Paikot

Sabi kan sarong “mountain men” na si Deustace, ang dikta kan kalikasan asin kapalibutan dapat ang buhay ay nasa sarong sirkulo o kaya paikot

Sa sitwasyon na ini magiging maray asin “smooth” ang ikot kan buhay nin huli ta madali daang malampasan ang mga sagka sa sirkulo kan buhay na paikot

Alagad daa sabi niya, dahil sa modernisasyon naging kuwadro ang buhay kan mga tawo

Kuwadro na kung saen, puon na magimata ka pag kaaga nakahigda ka sa kuwadradong kama

Nagimata ka sa tanog kan kuwadradong relo

Limitado ang aldaw asin oras kan buhay mo sa dikta kan skedyul na yaon sa kuwadradong kalendaryo

Ang pagkaon mo halos nakapatos sa sarong kuwadradong lalagyan

Na niluto mo sa halos kuwadradong sistema ki pagluto na minadali, alagad may negatibong epekto sa saimong buhay

Pati daa ang trabaho mo nasa kuwadrado

Nakahampang ka sa kuwadradong computer

Pindot ki pindot sa kuwadradong keyboard

Whhewwww daeng katapusan na kuwadradong buhay, pano daa ki kanto, pirmi may anggulo

Pirmi nag iisip kung mawala o matuo

Dapat na daang bumalik sa dikta kan kapalibutan

Sa sirkulo kan buhay na paikot…….