Mangga

Ni Ma. Theresa D. Daen 

Sarong aldaw sa may tindahan

Halo-halo an tinda kan gurang,

Sarong sahog digdi iyo an manggang inog

Na tigkakaag sa ibabaw kan yelong gari bulod.

Sarong aldaw may aking nagtambay

Halata na ini kapus sa buhay

Wara maski pambakal ki tinapay

Mga magurang warang tultol na hanapbuhay.

An aki na ini dae gayud nakapansin

Na may sarong tawo, saiya nagiiling,

Saiyang kinua an ubak kan mangga

Na nakasalak na sa mga basura.

Asin pagdalagan uru arayu na

Namasdan kan tawo na an ubak kan mangga

Tigsisimot kan aki sa palad niya

Daeng pagmangno na siya tigiristuryahan na.

An tawong saiya nakamasid

Napaisip habang nagtutukaw sa gilid

Arog na daw talaga kato an pagtios?

Na maski na sana ubak sa basurahan tigsisimot pa?

Mga magurang, anu an saindong reaksyon?

Madagit daw kamo sa saindong aki sa arog kaning aksyon?

O kamo daw maliwanagan kan totoong sitwasyon?

Asin mag-isip na an pagtios tawan ki solusyon?