Congressman Salceda nakiugma sa Nito-Talahib Festival 2017

Street Dance Competition and Exhibition mainit na sinuportahan kan mga Maniteños, Congressman Joey Salceda nagtao nin cash gift sa kada contingent dulot kan kaugmahan niya sa pag-iling kan saindang mga talento.

Si Madam Rhea Penarubia, representante kan CCM, na tinatawan ni Cong. Joey Salceda ki cash gift.

Hale sa manlain-lain na barangay kan Manito an puminano kan Manito People’s Centrum para suportahan asin mahiling an makolor asin maugmang presentasyon kan kada kaintrang eskwelahan kan nakaaging Oktubre 14 bilang parte kan pormal na pagbukas kan Nito-Talahib Festival.

                

Pano-panong Manito People's Centrum dahil sa exhibition.

Sinuportahan ini ni Cong. Joey Salceda na nagtao nin insentibo sa kada contingent. Sigun saiya, maugmahon siya sa effort kan kada kaintra sa pag-indorser kang Nito-Talahib sa Manito.

                

Sigun sa mga nakahiling kan kompetisyon, saro ining magayon na aktibidad prior mente sa mga aki asin sa mas pag-promotir kan Nito-Talahib bilang produkto kan Manito. Dagdag pa ninda na lugod taon-taon magpadagos ang pagkakaigwa nin mga aktibidades na arog kaini sa Nito-Talahib Festival.

Para sa iba pang litrato kan Nito-Talahib Festival Street Dance Competition and Exhibition, i-click ini.

-- Resa Joy Domingo & Mary Joy Principe

Posted: October 19, 2017