Who's Who in Manito: Vice Mayor Carlito J. Belludo

Vice Mayor Lito Belludo

Name: Carlito Jadie Belludo 

Age:65
Address: Jose Daep St. Brgy. It-Ba Manito, Albay
Mother: Juana Jadie-Belludo

Father: Ananias Belludo
Wife: Mrs. Cristina Daep-Belludo
Children: Dr. Regina Belludo, Cary Belludo, Emmanuel Belludo, Carleen Belludo, Engr.Carmina Camille Belludo, and Carlo Belludo
Elementary: Taysan Elementary School Legazpi City

Secondary: Bicol Regional School of Arts & Trade
Tertiary: Bicol University – Technical Technology
Occupation before entering politics: Employed in PNOC – EDC Bacon Manito Geothermal Field

Years in politics: 4 years and 4 months (3 years Sanggunian Bayan Member; 1yr.  & 4 months Vice Mayor)
Committee: SBM – Chairman on Agriculture & Infrastructure; Vice Mayor-Presiding Officer

1. Ano ang pagmati na nagdakula ka sa Manito?

- Sa Legazpi ako nagdakula pero digdi na ako nag-istar puon kan makaagom ako buda naging empleyado kan PNOC-EDC. Almost 43 years na ako digdi kaya namasdan ko an itsura kan Manito puon 1974 hanggang ngunyan na diit-diit na man na nag-aasenso ini.

2. Ano ang nagbusol saimo tangani maglaog sa pulitika?

- Ang interest kan mga katawohan. Namatian ko kaya na kan ako nagempleyo pa sana diit ang sakuyang naikontribwer na mga katabangan sa katawohan kan satuyang banwaan kaya sa paagi kan paglaog ko sa pulitika gusto kong ma-extender ang sakuyang serbisyo sa mga Maniteños siring man gusto kong ihiras ang sakung kaaraman na nakuang eksperyensya ta nganing maaplikar sa sakung presenteng trabaho bilang presiding officer sa Sanguniang Bayan kan Manito.

3. Sisay ang nag-impluwensya saimo ngani maglaog ka sa pulitika?

- Sadiring opinyon ang nag-udyok sa sako.

4. Ano ang problemang nailing mo sa Manito?

- Sobrang pamumulitiko asin kulang sa pagkasararo ang dapat kuta pakatapos kan eleksyon, halion ang pulitika asin magtarabangan tanganing mapadali ang pag-asenso kan satong banwaan.

5. Ano ang problemang nararanasan mo sa Manito bilang sarong serbidor?

- Wara pa man akong naagihan na dakulang problema durante kan ako nanirbihan. Igwa man ki maniit-diit na mina-abot pero manageable naman kaya okay lang.

6. Ano ang pinakadakulang “challenge” saimo bilang Vice Mayor?

- Ang pinakadakulang challenge saku iyo ang mautob ang sakung kamawutan na makatabang asin lalo pang mapa-asenso ang edukasyon, ang maikumpletar ang development kan tourismo, ang mapaayos ang satuyang elektrisidad na dapat makonberter ang satuyang powerline kan APEC from single phase to three phase ta nganing masuplayan kita ki tamang output ki boltahe ki kuryente ta nganing dai na magpara raot-raot ang satung mga aplayanses asin nganing magdakol ang investor na maglaog digdi sa satung banwa ta nganing makatabang sa pag-asenso kan banwang Manito.

7. Ano ang muya mong maaraman kan mga tawo na sa iling mo dai pa ninda aram?

- Kan ako nangangampanya may nakalaag na slogan an sakuyang poster iyo an  “Serbisyong Belludo” kaya iyan ang gusto kong ipailing sa katawohan. Na pigigibo ko ang gabos na medyos para mautob ang pinangako kong serbisyo sa banwang Manito.

8. Ano ang plano mo sa masunod na eleksyon?

- Plano ko iyo ang magkandidato giraray ta igwa paman akong natatadang turno bilang Vice Mayor.

-- Alwin Logronio, Mary Joy Principe buda Resa Joy Domingo
Manito's Time, September 30, 2017