Suspek sa buy bust nagheras kan saiyang eksperyensya

                

                Tiglinaw ni Edwin Abejuro ang nangyaring buy bust operation saiya kan Hunyo 14, 2018 sa Purok 6, It-Ba, Manito, Albay sa saiyang interbyu kan petsa 19.

                 Segun sa istorya niya, “Alas 4:00 kan maaga nagkakape ako sa arong mi buda nag aarok ki tubig ta ma washing ako kan motor ko, may nailing akong lalaki arani sa manok ko tapos bigla ini nagdalagan tapos namidbid ko si COP palan, si COP Rolando Guiriba buda pigtaraman niya ako na dae magdulag. Tapos, bigla nagluwas si Buban buda Roger tiguyod ninda ako buda pirit ninda akong dinara sa luwas, sa tinampo, buda sinakay ako sa dyip na pampasahero.” Pagkatapos siya isakay diniritso na siya sa stasyon kan pulis.

              Dagdag niya  pa, “kan pipicturan na ako, may kapot nang sarong plastik si SPO2 Roger Castillo na may laog na 500 pesos buda 3 sachet. Pinaapudan pa sira We Daen buda Danilo Padilla para mag witness sa pag search pero wara man sakong nakua.”

            Base sa pahayag niyang inimbitaran si We Daen, bagong halal na Brgy. Kapitan kan It-ba bilang sarong  witness, inagad man kan Manito’s Time ang saiyang panig manungod sa kaso sa paagi nin interbyu kan petsa 21. Segun saiya, duman na mismo sa stasyon nag witness,  5:30 nin aga kan paapudan siya ni Tong  Dajac. Kan tiggibo ang search tigkapkapan daa si Edwin Abejuro sa short buda may nakuang sarong bilog na plastik na may laog na 3 sachet buda sarong bilog na 500 pesos. Ang partisipasyon niya daa duman iyo an pagiging witness sa imbentaryo kan nakuang aytem.

—Ma. Theresa Daen,

Renz Marion Daz, Shem Viñas 

buda Jason Dasalla
Updated July 12, 2018