 |
| Pagkua ki blood pressure (bp). Photo: Mary Joy Principe |
Ginibo ang Monthly Monitoring for Hypertension and Diabetes Mellitus (HDM) sa Purok 6, Parada, Buyo para sa gabos na residente, aki man o gurang. Pinanginutan ini ni Eden Pajes, Rural Health Midwife Placement Program, (deployed under DOH) asin Roma N. Belen, Nurse II- Nurse Deployment Project ngunyan na bulan.
Ang programang ini iyo ang "Reaching Every Purok" kung sain tiga-abot asin tigtatawan nin serbisyong medikal ang kada purok kan Brgy. Buyo.
Segun kay Nurse Roma N. Belen, "Bako man ang tawo ang marani saimo, ika ang marani sainda". Ang serbisyong ini bako sana para madetek ang mga positibo sa diabetes asin hypertension, kasabay na man digdi ang pag-aram sa iba pang kamatian arug kan tuberculosis (TB) asin iba pa.
 |
| Pag-check kan blood sugar. Photo: Mary Joy Principe |
Kasabay digdi ang pagtao nin libreng bulong, injection, pills, "health teaching", asin iba pa. Base sa mga nakaaging resulta kan programa, dakol ang nairecord na may TB asin hypertension sa Brgy. Buyo. Sa kaso man kan diabetes, 29 na katawo ang nag-undergo o nadiagnose ngunyan sanang Enero.
Nadagdagan pa ang bilang kan mga tawong may mga arog kaitong ilang. Base sa resulta kan monitor ngunyan, pito (7 ) katawo ang nadetek na alangkaw ang blood sugar asin dakol man ang may hypertension sa labi 35 katawong nagpakonsulta sa Purok 6.
"Mapagal tipunon ang mga tawo kung kaya halos gabos kasarabay na digdi ang Health Teaching. Ang mga nagpositibo sa siring na ilang diretso nang pig-iendorso o pigrerefer kay Dok asin tigatawan ning karampatang bulong. Gabos na igwa o available na bulong asin oral medicine libre sa mga pasyente pwera kan "insulin" para sa mga diabetic huli ta mahal ini asin dai kayang pondohan kan munisipyo.”
 |
Mga residente kan Parada habang nag-aalat na mailing ang bp buda blood sugar level ninda.
Photo: Mary Joy Principe |
Sigun pa saiya "Igwa ning mga officers ang kada barangay manungod sa programang ini pero bako na ini mga active dahil warang budget.” Ang mga officer na ini iyo ang nag aatendir sa mga pameeting asin nagtatao nin mga concern sa barangay.
Post a Comment