LIBRENG TITULO ASIN COCROM, NAI-TAO SA MGA BENEPISYARYONG PARA-UMA SA MANITO
LEGAZPI CITY–Nakaresibe nin libreng Land Titles asin Certificate of Condonation with Release of Mortgage (COCROM) an mga para-umang hale sa banwaan nin Manito, Albay, Martes, June 30, 2026 sa Ibalong Centrum for Recreation.
Segun kay Manito Municipal Agrarian Reform Officer (MARO)
Renato L. Abache, libreng itinao sa mga benepisyaryo an saindang pig-umang lote
kaiba an titulo. Libre man an saindang transportasyon pasiring sa venue kun
sain nagtiripon an mga benepisyaryo hale sa bilog na Rehiyon nin Bicol.
Segun pa kay Abache, ini an ikatolong batch kan pananao nin
libreng titulo sa mga taga-Manito puon kan saiyang pagtukaw bilang MARO kan
2024.
"Sa paagi kaini, nautob na an aloy na pangaturugan kan
mga para-uma sa Manito na magkaigwa ki titulo an saindang mga pig-umang
lote," dugang pa ni Abache.
Nag-atender man sa aktibidad si DAR Bicol Regional Director Rodrigo O. Realubit, Provincial Agrarian Reform Program Officer II Engr. Gerardo A. Ebrada, mga Undersecretary, Assistant Secretary, kaiba an nagkapirang lokal na chief executives sa mga banwaan sa Bicol arog nara Albay Provincial Governor Noel E. Rosal, Legazpi City Mayor Hisham Ismail, asin iba pang stakeholders. Nakisumaro man sa aktibidad si Manito Municipal Mayor Jerry Arizapa.
Post a Comment