Tindahan sa Balading Linaog; Parahabas Dakop

 

Piglaog ang sarong tindahan sa Purok 7, It-Ba, Manito, Albay bandang alas 3:00 nin aga kan Enero 15, 2023.  

 

Segun sa spot report kan Manito Municipal Police Station (Manito MPS) sa pamayo ni Police Captain Ma. Dianne D. Almonte, sarong 27 anyos na taga-Barangay It-Ba ang suspek sa panghabas. Uminagi ini sa likod kan kusina kan sari-sari store ni Mr. Rodolfo Remondavia.  Nakakua daa ini nin kwarta na nasa manlain-lain na denominasyon na may kantidad na nasa P10,000.

 

Segun kay Mr. Remondavia, nakua sa saiyang Closed-Circuit Television (CCTV) camera ang panlalaog sa tindahan.  “Dinuman tulos su naglaog sa tindahan ko.  Very good su pulis.”

 

Binasahan kan saiyang karapatang konstitusyonal ang suspek sa taramon na nasasabutan niya saka ini dinara sa Manito Muncipal Hospital para sa medical examination bago darahon sa istasyon kan pulis, dagdag pa kan Manito MPS.