Manito Livestock Technician Nagtatao ki Manlainlain na Serbisyo sa Livestock

ni:  Jason D. Dasalla 

Si Mr. Benedict L. Brimon habang nagpupurga ki sarong baka.  Hale sa Facebook page niyang Manito Livestock Technician.

Ano ang livestock o paghahayupan, asin anu-ano ang mga serbisyong pig gigibo digdi?

Satuyang aramon kung ano ang livestock sa paagi ni Mr. Benedict L. Brimon. Saro siyang Livestock Technician na nag-ooper kan saiyang mga serbisyo digdi sa Manito puon kan  Mayo 2022. 

Si Benedict Levantino Brimon kan Barangay It-Ba, Manito, Albay ay ikaduwa sa 6 na magturugang. Sira Mr. Roberto buda Mrs. Bernardina Brimon an saiyang mga magurang. Nagtapos siya sa kursong BS Agriculture, Major in Animal Science sa Bicol University College of Agriculture and Forestry.

Si Mr. Benedict L. Brimon habang nag-a-artificial insemination ki orig.

Sarong rason daa kaya siya nagpursiging maglaog sa industriya kan agrikultura ay gusto niyang maengganyo ang mga kaakian na maglaog sa agrikultura ta mas madali nindang maukudan ang mga bagong sistema o bagong teknolohiya sa agrikultura asin sa paghahayupan.  Ang Pilipinas man daa ay sarong agricultural country asin municipality kaya sayang kan mga pawang na mga daga na dae ta napapakinabangan na pwede man sana.  Na-inspire man daa siya kan saiyang lolo na dating acting OIC sa Municipal Agriculture.

Ang saiyang mga nakaaging eksperyensiya sa trabaho ay ang mga minasunod:  naging Project Technician sa Abaca Disease Management naka-assign sa Manito, Field Technician sa Vast Agro Solutions sa Albay, Promo Technician sa Allied Botanical Corporation, Livestock Inspector sa Bureau of Animal Industry sa Matnog Port, asin  Registry System for Basic Sectors in Agriculture (RSBSA) Enumerator digdi sa Manito.

 Segun kay Mr. Benedict Brimon "Ang livestock ay mga alagang hayop sa lupa na pinalaki upang magbigay ng magkakaibang hanay ng mga produkto at serbisyo tulad ng karne, gatas, itlog, balat, hibla at balahibo. Ang terminong mga sistema ng paghahayupan ay sumasaklaw sa lahat ng aspeto ng supply at paggamit ng mga kalakal ng hayop, kabilang ang pamamahagi at kasaganaan ng mga alagang hayop."

 

Dagdag pa niya, igwang mga manlainlain na sistema kan produksyon kung pano pigpapadarakula ang mga hayop, mga pagtatantya kan pagkonsumo asin produksyon sa presente asin sa maabot na panahon. Kaiba digdi ang produksyon, benepisyo asin epekto kan pag-aataman kan mga kahayupan.

Saro sa serbisyo ni Manito Livestock Technician ang pagtao ki Iron injection

Ang mga masunod ang saiyang mga serbisyo sa paghahayupan o livestock digdi sa Manito:

1. Artificial Insemination

 -- Digdi dae na kaipohan na magamit ki barako o botacal para magbados ang dulag.

2. Consultation

 -- An mga minasunod ay parti kan konsultasyon:  vitamin injection, iron injection, deworming asin castration o pagtibos sa baka, karabaw, asin orig.

-- Medications/Injections sa swine diseases (hilang kan mga orig), ruminants (baka, karabaw asin kanding), poultry (mga manlainlain na lahi ki manok), mass vaccination sa mga manok asin bayong (Avian), pangkontra  laban sa mga hilang siring kan rabia.

3. Medication of Ruminants

-- Vaccination and Deworming of ruminants (carabao, cattle and goats).

-- Pagsustinar kan mga sabsaban kan mga carabao, baka, asin kanding.

 

Si Mr. Brimon habang pigkakapon asin pigturukan ki Iron injection an sarong 14 aldaw na litson. 

Bagong laog kan nakaaging semana si Mr. Benedict L. Brimon sa Local Government Unit of Manito (LGU-Manito) sa opisina kan Municipal Agriculture kaya  segun saiya, pigkukundusir niya an saiyang pribadong serbisyo sa livestock bago maglaog sa opisina asin pagkatapos kan  opisina sa LGU.

 

Sa mga gustong magkuha kan saiyang serbisyo pwede siyang kontakon sa number na 0951-113-0388 o sa Facebook account na "Manito Livestock Technician".