Motorsiklong Tulo ang Lunad Naulog sa Imbornal sa Nagotgot

Lugar kun sain naulog an motorsiklo sa Brgy. Nagotgot, Manito, Albay

Aksidenteng naulog sa imbornal sa Nagotgot, Manito, Albay an sarong motorsiklo kan Abril 18, 2022. 

Bandang alas 8:00 nin aga kan mangyari an insidenteng pagkaulog sa imbornal kan motorsiklo na nasakayan ki tulo katawo, -- duwang aki asin sarong gurang sa Nagotgot. 

Segun sa mga nagpakailing,  makaskas an padalagan kan motor kan uminagi ini sa imbornal kaya dai nailing kan drayber an nagpapalikong motor dahilan ta ngani na makasagid ini asin makadiretso sa imbornal sakay an tulong biktima. 

Tulos man na tinabangan kan mga residente sa nasabing lugar an mga biktima na nagkaigwa ki mga panggas asin lugad.

-- Marienelle D. Del Puso