Manito Arts Guild Nag-organisar kan Pinaka-enot na Art Exhibit sa Manito

 

Ribbon Cutting kan MAG launching exhibit sa Vina's Store asin sa Stiff My Tea sa It-Ba, Manito, Albay. 

Clockwise from top:  MAG members, Mr. Cesar Ramirez kan Stiff My Tea asin Mr. Ramon Eugene Daen, Mrs. Jovena Mabelin kan Vina's Store kaiba ang pira sa mga MAG members.

Photos:  Jomarie Datur & Louie Aycardo 

Nag-organisar ki Art Exhibit an Manito Arts Guild (MAG) sa Vina’s Store asin Stiff My Tea kan petsa 21 aldaw nin Pebrero 2022 bilang pakikisumaro sa pagselibrar kan National Arts Month.

Sa panginginot ni Mr. Ramon Eugene C. Daen, ang co-founder asin adviser kan MAG, nailunsar ang pinaka enot na art exhibit digdi sa banwaan kan Manito na may temang PUON: “A Launching Exhibit. Ang Simula ng Pagsasama at Paglilinang ng Sining sa Manito.”

Pinartisiparan ini nin 11 artists kan Manito na sinda: Lawrence Trilles, Ramon Eugene C. Daen, Chrissanta Bayna, Louie Aycardo, Jeffrey Cabazares, Erica Bayna, Ma. Christine Naz, Mark Mhon Brimon, Jayrald Bhoy Cabazares, Roque Llagas, asin Camila Itbale.

Nakisumaro man sa nasabing aktibidad ang nagkapirang writer kan Community College of Manito, volunteer writer kan Manito’s Time asin residente kan Manito.

“We are not a group but a guild that wants to support Manito artists. Hindi lang tayo group, it’s a guild. Ang guild ay isang grupo na nagtutulungan sa isang craft, sa isang mithiin. The guild is also supposed to be helping each member to earn from their craft or their artworks. I hope this will be the start of a strong art group in Manito,” segun kay Mr. Daen.

Nagpasalamat man ang grupo sa Bicol.PH, Ako Bicol News Online TV, asin Bombo Radyo Legazpi sa saindang pag-feature sa exhibit.

Natapos su exhibit kan Pebrero 24, 2022 pero naka-display pa ang nagkapirang artworks sa Stiff My Tea kaya maiiling pa ang mga ini kan mga mabisita digdi. Puwedeng magbakal o magpa-gibo sa mga artists kan MAG.

Puwede sindang makontak sa mga numero o Facebook account ninda.

-- Nikky Daep, Salvacion O. Daria, Jomarie Datur, Marienelle Del Puso, Ailene G. Dawal, Jemah Lorenzana