Bicol Riders Nagpa-post Valentine's Charity Event sa Manito

       Nagpa-post Valentine's Charity Event an Bicol Riders sa Manito People's Centrum kan Pebrero 20, 2022. Mawot kan charity na matabangan an 11 na benepisyaryo na mga residente hali sa iba-ibang barangay kan Manito. An mga benepisyaryong ini iyo an mga tawong may mga kahelangan na nadidipisilan sa pagpapabulong, asin igwa man nin mga Persons with Disabilities (PWD). Ang nasabing event naging posible sa paagi kan pagtatarabangan kan TEAM PNP, DNX Tigers Incorporation (Dionisio's Noble Execution) asin Mayon Guardians Brotherhood Incorporation (MGBI).

Mga benepisyaryong hale sa iba-ibang barangay kan Manito na nakaresibe nin tabang sa charity event.
Mga larawan kuha nina; Romnick Añonuevo asin Jane Daep Taracena

  

         Segun man kay Mrs. Mary Jane T. Soriano, saro sa mga founder kan DNX Tigers Inc, nakalikom daa an nasabing charity nin kwarta na dae mababa sa halagang P48,000.00  na pigbaranga-banga kan 11 na benepisyaryo asin igwa man daa ki nag-donate nin tulong (3) wheel chair para sa mga benepisyaryong dae nang kakayahan na makalakaw.

Segun man kay Mr. Pio Guiriba na saro sa mga benepisyaryo kan charity asin residente kan Brgy. Pawa, Manito, Albay, dakulaon daang tabang ang itinao saindang donasyon lalo na sa arog niyang may kamatian pero warang kakayahan na makapagpa-check-up, dagdag pa niya mapagal daa ang magparaisip o magparatuom kun ano an saiyang namamatian. Kaya nagpapasalamat siya sa mga tawong nagbilog, nagpartisipar asin nagtaong tabang para sa charity ta siya natawan nin kwarta na magagastos para sa saiyang pagpapa-check-up nganing maaraman kung ano an saiyang helang asin makapagpabulong. Nagpapasalamat man daa siya na igwa sa Manito nin mga organisasyon siring kan MGBI asin DNX Tigers.

Post Valentine's Charity Event banner
Larawan hale kay: Mary Jane Soriano

Ang MGBI o Mayon Guardians Brotherhood Inc., iyo an sarong organisasyon na pinanginginutan ni CGMF Joven Abenion. Segun saiya, saro sa obheto kan organisasyon an makatabang sa mga tawong mas nangangaipo. Nagsasagibo man an MGBI nin mga community services sa iba-ibang lugar digdi sa Bikol.

Mayon Guardians Brotherhood Incorporation (MGBI) Brgy. It-Ba Chapter
Larawan kuha nina: Romnick Añonuevo asin Jane Daep Taracena

Ang DNX Tigers Inc. man o Dionisio's Noble Execution an itinindog ni Police Major Manuel A. Dionisio ll. Segun kay  Mrs. Mary JaneT. Soriano, co-founder kan DNX Tigers Inc., an misyon kan DNX Tigers ay nakatuon sa childcare and protection, environment, education, anti-illegal drugs awareness campaigns asin disaster management sa paagi kan quad-media asin sa pakikipagtabangan sa ibang sektor kang sosyodad.

 Nagpartisipar man asin nagtao nin tabang sa charity an iba-ibang grupo kan mga riders na naghale pa sa hararayong parte kan Kabikolan siring kan Camarines Sur, Naga, Sorsogon, Tabaco, Malilipot asin sa iba pang lugar digdi sa Bikol, sinda naimbitaran asin nagtuyo pasiring sa Manito para mag-atod nin tabang na sainda man na nakayanan.

Mga grupo nin riders sa Bikol na nagpartisipar sa Post Valentine's Charity Event. 

Larawan (Mula itaas pababa): CSRC, EMRC, Sagip Riders Club, Respetados Bicolanos(Malilipot, Tabaco Chapters), FMBC, Long Live Riders, Gamma Upsilon, Yamaha Elite Aerox Riders Society.

Mga larawan kuha nina: Romnick Añonuevo asin Jane Daep Taracena

-- Romnick Añonuevo asin Jane Daep Taracena