Manito SB Nagluwas ki Resolusyon na Ipadagos Tolos ang Pagpa-Three Phase kan Kuryente sa Manito

Parte kan Manito Sangguniang Bayan resolution manungod sa pagpa-three phase kan kuryente sa Manito.

 

Nagluwas ki resolusyon ang Sangguniang Bayan kan Manito na maghagad ki tabang sa Department of Energy (DoE) asin sa National Electrification Administration (NEA) ta nganing piriton na ipadagos asin dae na pagpahaloyon kan Albay Power and Energy Corporation (APEC) ang pagpa-"three phase" sa "single phase" na kuryente sa Manito.

Segun sa resolusyon na pinangenotan ni Muncipal Councilor Romeo B. Dawal, Jr. asin inaprubaran kan kadaklan sa mga Municipal Councilors na presente sa sesyon, pinunan kan taong 2020 ang pagpa-three phase sa linya kan Manito.  Napundo ini huli sa COVID 19 pandemic asin sa tolong nakaaging bagyo kan nasabing taon.

 Segun pa sa resolusyon, ang kuryente sa Manito nagdadalagan lang sa 130 volts sagkod 170 volts na dahilan sa pagkaraot ki mga "appliances" asin sa dae marhay naeengganyo ang mga negosyante sa Manito.