Libreng Gupit Handog ni Hepe
Nagpa-"Libreng Gupit Handog ni Hepe" ang Manito Municipal Police Station (Manito MPS) para sa mga ina katakod kan pagselebrar kan Mother's Day, Mayo 9, 2021 sa panginginot ni PCPT Manuel A. Dionisio ll.
Nainot nang isinagibo ang libreng gupit kan Mayo 1, 2021 para man sa mga tricycle buda jeepney driver katakod kan pagselebrar kan Labor Day.
Segun kay Manito MPS PCPT Dionisio, pigsasagibo ini imbis na makatipid asin makatabang sainda sa siring kaining pandemic, nganing so ibababayad lamang sa paragunting sa pagkaon na sana ninda.
 |
| Libreng gupit para sa mga nanay sa Mother's Day na isinagibo sa ampang kan Manito Municipal Police Station |
BARANGAYANIHAN
Dagdag man ni PSSG Wendy A. Nonato, Community Affairs Division PNCO, may mga man-iba-iba pang mga programa ang Manito MPS na padagos pigsasagibo arog kan Barangayanihan, Pulis at mamamayan magtulungan. Apat nang barangay an naabutan nin tabang asin target kaini matabangan an gabos na barangay sa Manito.
An iba pang mga inisyatibong ginigibo para lalong makapagsirbi sa mga Maniteño iyu ang Feeding Program, Batang Iwas Droga Kontra Pandemya (BIDA), asin Pa-birthday ni Hepe para sa mga indigent senior citizens.
PA-BIRTHDAY NI HEPE
Sa Pa-Birthday ni Hepe, sarong indigent na senior citizen kada bulan ang pigtatawan ni PCPT Dionisio nin pribilehiyong makapagselebrar kan saindang birthday.
BATANG BIDA (BATANG IWAS DROGA KONTRA PANDEMYA)
Ang programang Batang Iwas Droga Kontra Pandemya ginigibo para lalong mairayo an mga kabataan sa droga lalo ngunyan na panahon ki pandemya. Ining programa pinunan ni PCPT Dionisio puon kan taon 2016 sa mga dati pa niyang assignment asin pinadagos niya kan siya na-assign digdi sa Manito.
 |
| PSSG Wendy A. Nonato at PCPT Manual A. Dioniso II, OIC, habang pinapaliwanag ang iba't-ibang programa ng Manito MPS |
SAFE (SEEN, APPRECIATED, FELT, EXTRAORDINARY)
Segun kay PSSG Nonato, ining gabos na inisyatibo kan Manito MPS katakod kan pag-implementar sa mantra na “SAFE” ni bagong PRO V Regional Director PBGEN Jonnel Cabrillos Estomo.
"I will ensure the PRO5 is SAFE. All our programs must be Seen, Appreciated and Felt by the people. And all actions of the police must be Extraordinary." -- PBGEN Estomo
Post a Comment