GinhaWAHng Hatod kan Pandemya

Ni:  Jonel D. Arizapa

 Nagpuon kan naglakop an helang na Covid-19 kawsa kan virus na SARSCoV-2, kadakol na kumpanya an nagsara o  nagbawas nin mga trabahador. Kasabay man  kani, an pagpuon kan tig-aapod na Work at Home (WAH)/ Work from Home (WFM) o padagus na pagtrabaho sa arong sana kan mga empleyado gamit an internet buda laptop o kompyuter.

 Kadakol nin mga magagayon na naitatao an WAH buda igwa man nin nagkapirang problema an kaiba kaini.

 

Mga Magayon na Naitao Kan WAH

May mga kumpanya na nag-inisyar nin WAH sa saindang mga empleyado. Nagtao ini nin oportunidad na ipadagus an paghahanapbuhay dawa sa arong sana na dae na kaipuhan magbiyahe pa paopisina. Gamit an internet buda makabagong teknolohiya arog nin laptop buda kompyuter, mapapadanay na an pagtrbaho.

 

Dae na nakapusta an kalusugan kan mga empleyado buda mga pamilya ninda sa pagtrabaho sa opisina urualdaw kun sain iba-ibang katrabaho an nakakaiba.   Dae na makikisuksukan sa mga pampasaherong sakayan pasiring buda pauli ali sa trabaho; buda mamata na mas maaga magpreparar sana--makapagal gibuhon sa pang urualdaw.   Pinakamagayon sa gabus, mas nababalanse na an oras sa trabaho buda pansadiring pamumuhay. Dae na marayo sa pamilya buda pwede pa na makaasikaso nin iba pang importanteng bagay.

 

Nagkapirang Problema sa WAH

Igwa man nin mga nagkapirang problema na nakakaatubang an WAH arog kang mas napipirmi na pag brownout, may abiso man o wara, buda an koneksyon kan internet na may mga panahon na pawara-wara o kaya maluya. Kun warang  internet buda kuryente, wara man na trabaho na magigibo. Kaya kaipuhan maray an kooperasyon kan mga suplayer kani.

 Igwa man nin mga  kataraning na arong na may nagsusuriyawan, nag video 5 buda nag iirinuman (dawa tigbabawal),  mga behikulo na an tanog garo sa eroplano, buda mga ataman na manok, ayam buda iba pang hayop na dae makontrol an pagribok. =

Maribok na Kapalibutan

An maribok na kapalibutan, dakulaong problema kan mga trabahador na sa  WAH arog na sana  kan mga call center na nakikipag-uron sa mga kostumer/kliyente na lokal o internasyunal.

 Isipon na sana na: may kauron sa telepono an trabahador na internasyunal buda may mamati sa background kan empleyado na nagsusuriyawan gamit an satong linggwahe o kaya mga ayam na nagbabaratok o manok na nagtuturaok. 

 Kun may maray man na nangyare sa pandemyang ini, saro tibaad sa mga ini an WAH,  dakulaon na tabang sa mga empleyado.  Pero, kuta na magkaigwa man ki konsiderayon an satong mga pagtaraning buda maging mas may responsibilidad sa mga ataman na hayop buda ribok na tiggigibo. Buda  man, magkaigwa nin mas stable  na suplay nin kuryente buda internet.

 Matapos man an pandemyang ini, dae man kuta lugod mapundo an WAH, saro ining pag-uswag sa ururong pagtrabaho buda ini maka-Empleyado