Manito MPS, MAC Naglunsar nin 'Be Fit, Don't Quit'; Nagpa-Zumba

Sa hampang:  mga nagpartisipar sa Zumba, Sa likod:  mga nagpapa-massage sa mga estudyante kang Massage NC II 

      Naglunsar ang Manito Municipal Police Station (Manito MPS) kaiba ang Manito MPS Municipal Advisory Council (MAC) nin programang pangsalud na may temang "Be Fit, Don't Quit" kasu udma, Pebrero 4, 2020, alas 8:00 nin aga sa Manito People's Centrum, It-Ba, Manito, Albay.

Ang aktibidades pinartisiparan kan Manito Municipal Police Station (MPS), Municipal Advisory Council (MAC) kan Manito Manito MPS, Bureau of Fire Protection (BFP) Manito, Rural Health Unit of Manito (RHU), the Rythmus Dance troupe kan Manito National High School (MNHS), Manito Senior Citizens Association, asin nagkapirang miyembro kan Transport sector sa Manito.

Nagpartisipar man ang 25 nag-aadal mag-massage (NC ll) na programa kan Sustainable Livelihood and Community Enterprise Development Assistance (SALCEDA), Technical Education & Skills Development Authority (TESDA) Region V asin Manito Alternative Learning System (ALS).

Nag-imbitar man ang Manito MPS nin guest speaker hale sa Provincial Department of Health Office (PDO) na sarong Human Resource Nutritionist.  Iyo si Ms. Jessica A. Sesalim na nagwalat nin sarong linyang "The key to be physically fit is DIET, DETERMINATION, and DISCIPLINE."

Si Ms. Jessica A. Sesalim, guest speaker, hale sa Albay Provincial Department of Health Office, nagreresibi kan saiyang token of appreciation

Pinunan kan Manito MPS ang programang “Be Fit, Don’t Quit” sa saindang pagsabay sa “Mahalindog Program:  Mahalin ang Katawan Para Maibaalik ang Alindog Project” kan Philippine National Police (PNP) Provincial Regional Office 5 (PRO5).  Kasabay man ini kan direktiba kan PNP na imantinar ang marhay na lawas kan satuyang mga pulis para sa epektibong serbisyo sa publiko.

Mga miyembro kan Transport sector, BFP, asin MPS habang nagzu-zumba

Natapos ang aktibidad sa sarong zumba dance exercise.

                    -- Nikky Daep, Marienelle Del Puso, Salvacion Daria

Related National News:  Gamboa Tells Cops:  Fix your weight or be denied schooling for promotion