Binaraklas na aspaltong tinampo sa Lower Malangto Nagtaong Kadipisilan sa mga Residentes

Ang aspaltong tinampo na binaraklas sa Lower Malangto, Brgy. Nagotgot, Manito na pigreklamong daing signages

          Dakol sa mga residentes kan Lower Malangto, Barangay Nagotgot, Manito ang nadismaya sa inidaling pagbaraklas sa aspaltong tinampo.

          Segun sa inda “Wara man lamang nin mga babala na nagpapahiling arog kan ‘Slow Down, Men at work’ o kaya ‘Caution: Slippery Road Ahead" na matao lamang nin babala sa mga motorista na maghaharagi.

          Sarong residentes digdi ang nalugadan sa bitis huli ta dae aram na putol palan ang tinampong pig-agihan niya lunad nin motorsiklo.  Sabi man ki saro pa, "Nata kaipuhan ubuson pagtarangkason ang mga aspalto?  Pwede man baga diit-diit muna kung dae man palan tulos tatrabahuhon.  Magayon kuta ang patrabaho ninda kaso ito ngane."

          Ang nasabing agihan na sasalidahan ki kongkretong semento nagtatao nin kadipisilan para sa mga motorista asin sa mga tawong naghaharagi.  Dipisil man ini sa mga estudyante na naghaharagi digdi lalo na ta ini ang sarong agihan ninda para makaduman sa eskwelahan. 

          An pasemento ay sarong magayon na patrabaho hali sa gobyerno na magtatao nin kaginhawahan sa mga tawo sa lugar na ito kaso kaipuhan man magsa-alang-alang kang mga aspeto na makaka-apekto sa mga residentes sa nasabing lugar.

      Laom kan mga residentes na sa mga proyektong arog kaini magkaigwa man nin mga signages para lamang matawan ang tawo ki impormasyon na kaipuhan magluway-luway sa parteng ito, lalo na kung banggi. 

-- Rejane Mae Atuli