Bunyag ka na pero wara ka pang Birth Certificate?

                 

             

              Ini an saro sa mga naging problema kan mga taga-Manito kaito. May mga senaryo na an aki may birth certificate na pero dae pa bunyag o nagkadeperensya ta bako magkaparehas an ngaran kan aki sa birth certificate sa saiyang baptismal certificate. Kaya an satuyang Municipal Civil Registrar na si G. Ariel Buiza asin si Rev. Fr. Santillan na dating na-assign sa satuyang parokya, guminibo ki paagi para maresolbahan an problemang ini. Ini ang "No Birth Certificate, No Baptism" policy. Huli kaini, satuyang pag-urunan kung papano nga ba an proseso kan pagkua nin birth certificate sa mga minasunod na senaryo.

          Senaryo #1: Pano kun dae kasal an mga magurang?

Kukwaon ang mga dokumento na kaipuhan hale sa Lying-in o ospital. Huli kaini, mapirma ang mga magurang sa dokumento kung ang apelyidong gagamiton, sa ina o sa ama. Kung abo magpirma kang ama, warang middle name an aki buda "Unknown" an ngaran kang ama sa birth certificate.

         Senaryo #2: Pano kung kasal ang mga magurang?

Kukwaon ang mga dokumento na kaipuhan hale sa Lying-in o ospital. Ipapahiling sa registrar an marriage contract. Pagkatapos kaini, makukuha tulos ang birth certificate sa mismong aldaw kun na-comply kan mga magurang ang requirements na kaipuhan kang Registrar.

         Senaryo #3: Pano kung late register?

Siring man kan inot na senaryo, kaipuhan ang pirma kan magurang, kasal man o bako. Mahalat ka nin sampulong (10) aldaw bago makua an birth certificate. Kung ang kaso 18 anyos na pataas, kaipuhan mo magkua nin negative result sa PSA (Philippine Statistics Authority) na nagpapatotoo na ika talaga warang rekord sa PSA. Saka ka mabalik sa munisipyo para magpa-late register. Siring kaini, may multa para sa Affidavit Papers na ₱120 regardless kung nakapirang taon ka bago nakapa-register.

        Sa ngunyan, mahigpit na tig iimplementar kan satuyang gobyerno na dapat mag-aki sa Lying-in o ospital para sa kaligtasan kang ina asin man kang aki.

Enot na personal na impormasyon o pagkakakilanlan kang aki an saiyang birth certificate, kaya importante na maasikaso ini tulos ngani maiwasan na magkaproblema sa iba pang pangangaipo arog kang bunyag.

         Sa mga magurang, marhay na maaraman ta ang mga senaryong ini tanganing aram ta na ang mga proseso para sa pagkua nin birth certificate. Bukas pirmi ang Municipal Registrar kan satuyang banwaan para sa pagproseso kaini.

-- Maria Edeliza An

-- Manito's Time, July 9, 2019