Tubig sa Tinapian pinakaray, patimpalak sa pinanggarayunan ki purok ginibo katakod kan kapyestahan

                 

Nagtarabang tabang na mga residente kan Brgy. Tinapian sa pagpakaray kan tubo kan tubig.

Photo: Tinapian Manito Albay FB page

            Napakaray  an bulos kan tubig sa sentro buda Purok 3 buda  4 kan Tinapian, Manito, Albay kan Hunyo 12, 2019 huli sa kinaag na bagong tubo.

                 Pinagtarabangan ini kan mga utility asin kapitan kan barangay na si Kap. Loreto Balitaon.

----------------------------------------

                                        Purok 4, saro sa mga purok na kaintra sa pinanggarayunan ki purok sa Tinapian.

Photo credit: Tinapian Manito Albay fb page

                 Nagkaigwang pinanggarayunan ki purok sa Tinapian, Manito, Albay katakod kan kapyestahan kan barangay. Kinumpirma an mga nanggarana kan Hunyo 21, 2019.

                                Segun kay Ayetha Sibuyo Mercader, “An pinanggarayunan ki purok an tiggigibo taun-taon kun sain tig-iiling kun sisay ang may pinaka magayon, malinig, makolor, unique buda pinag-isipan na konsepto. Tigpapahiling man digdi an pagkaborunyog, pagtarabangan tapos pagkasararo kan mga taga-Tinapian.”

                                An mga nanggarana iyo an Purok 1- First place, Purok 3- Second place, Purok 2- Third place buda an Purok 4- Fourth place.

— Ma. Theresa Daen

--Manito's Time, July 10, 2019