Integrated Market Ordinance naimplementar na

               

      Naimplementar an ordinansa kan Sangguniang Bayan kan Manito, iyo an Ordinance No. 003-2018 o ang tig-aapod na “Integrated Market Ordinance of the Municipality of Manito”. Ang obheto iyo ang mapakarhay asin tangkilikon kan mga parabakal an satuyang saodan asin para man maiwasan an maraot na parong na kawsa man kan mga wet products na tigtitinda sa luwas kan saodan.

         Ang nasabing ordinansa ang nagbabawal sa mga paratinda na mag-tinda sa luwas kan saod, lalo na kun ini mga frozen products.

       Segun kay Mr. Dennis Nuria, “Saro sa mga rason kun nata ini dapat iimplementar ay dahil sa ang ibang paratinda ay nagtitinda nin ‘botcha’ na karne.”  Dagdag niya pa, “Dakol man ki nagsusurunod pero igwa man giraray na dai.” Saro pang pakiuron niya, sana magka-igwa ning pilahan ki mga tricycle sa luwas kan saod.

     Segun kay Mrs. Alma Bibat, sarong paratinda sa luwas kan saod, “willing man kami magsunod sa ordinansa kun pakarayon ang suplay nin tubig asin magkaigwa nin marhay na tapukan nin basura.”

        Saro pang laog kan ordinansa segun kay Mr. Noria an Section 22 na nagtataong permiso sa mga pribadong tawo na magkuang litrato kan mga dae nagsusurunod asin pwede ipadara ang kopya sa mga pulis.

— Geraldine Guillermo, Charlotte Mae Dajac buda Mark Jhon Francis Rebullar

--Manito's Time, July 10, 2019