Tinahuban ki bala an Tulay sa Cawit

Ang tigdarayong magayon na tulay sa Barangay Cawit, Manito, Albay ngunyan puro bala ang maiiling huli ta ini may mga luho na.

Photo credit: Pogs Magayanes (picture kang tulay na may bala) buda Mark Jhon Francis Rebullar

Sarong concerned citizen ang nagpaabot kan saiyang problema manungod sa tulay kan Cawit na puro bala an maiiling huli ta ini may mga luho na asin natahuban na sana nin mga bala.

Segun kay Kap. Ernesto Daen, kapitan kan Cawit, "Ang pag pakaray kang tulay ay bako pa man samo o sa barangay nakaatang ta dae pa man iyan na ituturn-over samo kang munisipyo; su bali sa munisipsyo pa kaan ang repair."

Dagdag pa niya, "Dawa dae pa an samo tig-turn-over may mga resolusyon na kaming tigagibo para paghanda kung sakali kami na ang maging responsable sa pag repair kaan na tulay. Pag na turn-over na su tulay samo masingil na kami sa mga motorista ki ₱10 at ₱5 naman sa mga maagi pero ang mga maagi na mga residente kang Cawit buda Pangsod ay libre man sana ta halos taga Cawit man sana so ibang taga Pangsod, ang singilon man sana na maagi ay su taga ibang lugar."

An nasabing tulay iyo an tigdadayong hanging bridge sa Cawit huli sa magayon ini asin magayon an lugar.   Segun kay Pogs Magayanes sa Facebook, “dae pa nganing duwang taon nalapa na.”

— Michael Legazpi

--Manito's Time.  July 10, 2019