Shake Your Heat Away

Ni: Charlotte Mae Dajac

Nichole Daet, (hale sa wala) co-owner  kang Manito Mango kaiba  an MT writers na sira Geraldine Guillermo, Charlotte Mae Dajac buda Mark Jhon Francis Rebullar, pagkatapos kang interbyu na ginibo kan Manito’s Time.

Photo credit: Mark Jhon Francis Rebullar

Bitter sa lovelife, sa career, o sa buhay? Pwes, ang kaipuhan mo lang ay diit na kahamisan na pwede mong maanap sa sarong liblib na lugar arog kang Manito.

        It’s Mango-lickin’ good

                 Patok na patok ngunyan ang mga shake kang Manito Mango na negosyo kang mag-agom na sina Mark Christian R. Daet dangan Nichole M. Daet. Saro sa mga patok na shake kang Manito Mango iyo ang tigaapod nindang “Overload”. Ang Overload arog man lang kang  na kinadakulaan tang shake na pano nin kinaskas na yelo dangan may masiram na flavor. Kaso, ang nagtao nin “twist” sa Overload iyo ang flavor kaining mango-graham cake o ang iba sato tigaapod na refrigerated cake. Ini, kasabay ang kinaskas na yelo dangan pininong Oreo-biscuits, iniraid na cheese asin gatas. Sabi ngani nira Mr. at Mrs. Daet, saro ang “LOVE” sa saindang secret recipe na tighaharalo-halo para makabuo nin sarong malinamnam na inumon. Huli ngani ta personal ko na man na natanaan ang Overload kang Manito Mango, masasabi ko talagang it’s Mango-lickin’ good. Tamang-tama ang amis, may diit na alsom na dulot kang mangga, namitonon man ang chocolate flavor kang Oreo biscuit asin creamy  huli sa sangkap kaining gatas dangan cheese asin saktong-sakto ang lipot pantanggal alangaang lalo pa ngunyan na mainiton ang panahon.

        11 yummy flavors

                        Pinunan ang Manito Mango na may apat na flavours, iyo ang Classic, Oreo, Cheese dangan iyo na ngani itong Overload. Ngunyan, igwa na sindang 11 flavor,  saro duman pinangaran pa ninda hale sa saro sa mga tourist spots digdi sa Manito, an Nag-aso Mango.

         HEARTable Place 

                     Sa pagbisita mo sa saindang pwesto, bako lang ang masisiram nindang shakes ang makakapaugma saimo. “Selfie Ready” ngan “Instagramable” man ini. Pagdungkalaw mo sa saindang tindahan, mabungad na tulos saimo ang saindang counter kung sain ka maorder kang gusto mong flavor. Sa saimong wala may mababasa kang mga inspirational quotes asin sa too mo naman igwang mga nakapinta sa saindang lanob na mga doodle o wall art. May nagkapira ining mga lamesa dangan bangko kaya pwedeng pwede man pagtambayan ki magbabarkada, magkakapamilya o maski mga magilusyon.

         Why and how did it all start?

                     Siring sa mag-agom na Mark Christian asin Nichole, maski kang mag-ilusyon pa sana sinda, hilig na talaga ninda ang desserts. Kaya man sabi ninda, kang sinda nag-aguman, so kwarta na nakuwa ninda sa regalo kang mga ninong dangan ninang ninda imbis na gamiton pang honeymoon,  ini ginibo na sana nindang kapital para magpoon nin sarong negosyo na naaayon man sa saindang hilig. Duman ninda naisipan na itindog ang Manito Mango.

          1 Tumbler= Save Money+Save Mother Earth

                    Igwang tigooffer na discount ang Manito Mango sa mga parabakal na may dara na nin sadiri nindang tumbler o laagan. Kung gurano kadakol ang discount depende sa darang tumbler o laagan dangan sa kung gano kadakol ang babakalon. Segun sainda, dawa ngani sinda nagnenegosyo, tighahangad man gilayon ninda na makabawas sa pag-gamit nin plastic na sarong basura na nagaabot nin kadakol na taon bago ma-decompose o matunaw. Para sako, magayon ining saindang naisipan. Kaya man, sa mga gusto tabi magbakal sa Manito Mango, tigaanyayahan ko kamo na magdara na sana nin tumbler o lagan, para nakatipid ka na sa kwarta, nakatabang ka pa kay Mother Earth.

          Google Map Manito Mango

                     Nakapwesto ang Manito Mango ngunyan kaiba ang iba pang mga tindahan sa may Purok 2 kang It-Ba Manito, Albay, halos gari napalibutan kang terminal kang Jeep pa Legaspi, kang Munisipyo, asin kang People’s Centrum. Siring sainda, hale sa saindang harong sa Purok 5 kang It-Ba Manito, Albay, sinda naglipat duman sa Purok 2 sentro ta laom man ninda na mas maging accessible sa tawo ang saindang produkto.

Sa paghigop ko kang Overload flavor kang Manito Mango, narumduman ko ang sakuyang kaakian kung sain grabe na ang kaugmahan ko kapag bibabakalan ako kang sakuyang ina nin shake kada ruluwasan sa eskwelahan bago mag-uli sa harong. Ika sa iling mo, ano daw ang saimong magigirumduman?

-- Manito's Time, July 10, 2019