Mga lehitimong paratinda sa saud dae naogma sa pigtindog na tiangge

Tinindog na tiangge sa ampang kan Manito People's Centrum. An pigrereklamo kan sarong lehitimong paratinda sa Manito Public Market.
Photo: Welsie Abellano

          Dae ikinaugma kan mga lehitimong paratinda sa Manito Public Market an pagtugdok ki tiangge sa ampangan kan Manito People's Centrum. Ang nasabing tiangge nagpuon kaining Disyembre 1, 2018 na tig-asahan na matinir sagkod petsa 1 kang maabot na Enero. Sigun kay Mandirigmang Leon (pangaran pangaran sa Facebook):

          "Dae kami naoogma sa maabot na pa tiangge sa December 1 sagkod New Year. Sana dae na. Apektadu kaming  mga PARATINDA na nakapuwesto digdi. Bako man siguro tama na kadakol peak season nion an mga  PARATINDA pano man kami?"

          Buot niyang ipaabot na, “Iyu man ini an time sana na mag burubenta kami... di dae NAMAN kami benta kaan arog sana pag 4Ps.  Sana naisip kan organiser kaini nakakaapekto man samong maray ini.”

          "Dakol man po kaming apektado, lalo itong mga PARATINDA na nion sa padigdi sa saod.  Harayo na baga.  Siyempre an parabakal kung haen ang harani and dakol na paratinda yaon sinda,"  dagdag pa niya.

-Welsie Abellano buda Resa Joy Domingo