Pawa, ALBAFAI, Tinapian, kampeon sa 3rd Mayor Gem Basketball Tournament

               

             

            Nakua giraray kan Pawa ang kampyunato matapos sawsawan ang It-ba sa iskor na 92-76 sa Senior's Division kan Oktubre 7, 2018 sa Manito People's Centrum.

           An susi kang pagkagana ninda, "Mahigpit na depensa tapos kada saro gustong mang-gana..." pahayag ni Arvin Azueta, hinirang na Best Shooting Guard, pero dinuunan nya man na kung dai ang lambang saro sainda dai sinda mang-gagana. "Team work. Ta kung dai talagang team work dai man kami mang-gagana." sabi pa niya.

              Pag-abot naman sa depensa nagheras man siya ki sekreto. "Sa depensa, pag higpitan an depensa, one two-two lalo na pag may shooter baga." Dagdag pa niya, "Tapos pag muya mi talagang manggana, man-to-man defense ang kaipuhan talaga."

           Sa panginginut nira Joy Briones na naka-iskor nin 19 puntos, hinirang na Most Valuable Player (MVP), Erick Declaro, 21 puntos na hinirang man na Best Center asin si Arvin Azueta na nagtala ki anum na three points (18 puntos) asin duwang tira sa laog na nagdagdag sa saiyang score na 22 puntos. Siya man ang hinirang na Best Shooting Guard.

             Inani man kan Albafai an tropeyo sa 3rd Mayor's Cup, Inter Agency Division, matapos magtanom nin 18 puntos na kalamangan, 98-80,  na nagpa-paso kang badil kan Strikers sa pag target kan kampyunato.

Sa first half kan kawat, kapot kang Strikers ang momentum sa panginginut ni Natividad na nagtala nin 15 puntos.

Paglaog kan second half, diit-diit na inagaw kan Albafai an momentum. Sa third quarter nag-iskor ang Albafai ki 34 puntos dahilan para maging kapot ninda ang kawat. Inataman ninda ang itinanum nindang kalamangan na nagbunga nin 18 puntos hanggang sa matapos ang kawat.

Samantala guminibo man si Babasa ki sadiring pangaran sa historya kan Mayor's Cup, Junior's Division matapos magtala nin 41 puntos laban sa kupunan kan Buyo.

Dahilan sa pinamalas niyang tibay, siya ang hinirang na Most Valuable Player (MVP).

Dakulaon na tabang ang saiyang puntos sa pagdaog ninda sa Buyo sa skor na 96-83, dahilan para sinda ang maging kampeon sa 3^rd  Mayor's Cup Junior's Division.

-Shem Viñas buda Jason Dasalla