3 Star Kids Farm Resort sa Cavit, binuksan na

3 Star Kids Farm Resort sa Cavit
Photo: 3 Star Kids Farm Resort FB page

Binuksan ang Farm Resort sa Sua, Cavit, Manito, Albay kan Pebrero 23, 2019 alas 3:00 kan hapon na pinanginutan kan saindang kapitana na si Mrs. Adelfa Viñas asin an Vice Mayor kan Manito na si Mr. Carlito Belludo para sa Ribbon Cutting.

(Litrato sa itaas buda ibaba) Ribbon Cutting na pinanginutan ni Vice-Mayor Carlito Belludo.
Photo: Ailene Dawal

                 Ang nasabing resort ay pagsadiri ni Mrs Cielo Ramirez. An sabi ni Ms. Maribeth Ramirez, aki kan tagsadiri, ang resort ninda ay para sa gabos, aki man o gurang. Ang saindang resort sa ngunyan ay igwa ki swimming pool, landscape, flower garden, asin mga kawatan ki aki. Plano pa ninda ang pagdebelop kaini para sa pagkakaigwa ki common kitchen, cottages (dakula asin saday), CR, shower room asin pagpagibo ki convention hall.

(Litrato sa itaasbuda ibaba) Landscapes kan resort.
Photo: Photo: 3 Star Kids Farm Resort FB page

              Ang resort ay may entrance fee na ₱40.00 sa aki, asin ₱60.00 sa adult para sa day swimming. Para sa night swimming, ang aki ₱45.00 asin ang gurang ₱70.00. Ang resort nagtatanggap ki reservation asin pwede ang overnight.

Bukas ang resort puon alas 8:00 nin aga, Lunes sagkod Domingo. 10:00pm-6:00am ang cut off kang resort. Pwede ang overnight pero dae pwede ang maribok. May pagkakataon na magsasarado ang resort kung may event.

Sabi ni Kap. Viñas, makakatabang ang resort na ini para sa improvements kan saindang barangay. Manungod kay Mrs. Magdalena Daet asin Ms. Kristine Joy Dagta, mga nag-attend kang opening, magayun daa ini asin maogma.

Kung may kahaputan pa daa patungkol sa resort ninda, magbisita sa saindang Facebook page ang 3 Star Kids Farm Resort o kaya magtext/call sa numerong 09338528251. Sa ngunyan may mga promotion daa sinda sa fb na igwang mga presyo.

-Kyla Dawal, Rachelle Dajac, Nonnie Lyn Loristo buda Jonalyn Poche