Coastal Clean-up Drive ginibo sa Mangrove Plantation
 |
Photo: Welsie Abellano
Nag-volunteer an nagkapirang estudyante kan Community College of Manito (CCM) sa ginibong Coastal Clean-up Drive sa Brgy. Cawit kan naka-aging Setyembre 28, 2018 kaiba an iba pang partisipantes kan programa.
Ang mga volunteer na hali sa CCM pinanginutan ni Sir Aaron Hadap, NSTP Adviser.
Naglinig sinda sa Mangrove Plantation na maiiling sa piling porsyon kan Cawit. Tigmamawot kan programa na mapataas an ranggo kan Albay sa pinaka-aktibong partisipantes sa bilog na nasyon sa paagi kan pakikipagtabangan sa mga residente, mga opisyales, asin mga estudyante kan nasabing lugar.
Nagpuon ang Coastal Clean-up bandang alas-siete nin aga ta nganing maabutan pa ang unas (low tide) kang dagat na nakakaapiktar sa pagrilinig kang mga volunteer.
"Meron kasi tayong International Coastal Clean-up tapos isa si Philippines sa mga active participant, actually based sa 2017 data-number one si Philippines sa most active country," ini ang naging pahayag ni Paul Edward Acosta, Environmental Monitoring Officer kang DENR (Bicol), nagbabaretang bako sana sa pakurusugan, patiribayan kundi matibay man ang mga Pilipino sa parilinigan kang satuyang salud.
Dagdag nya pa "Within naman digdi sa Philippines, nag number one na province na active is si Zambales, si Albay is actually 33rd lang kaya gusto mi sa DENR-Bicol na tumaas si Albay sa ranking kaya nagkaigwa kami ki easy information dissemination to spread awareness," kaya nakipagtabangan sinda sa mga opisyales kang DENR-Manito, sa CCM asin sa mga opisyales kang Barangay Cawit.
Natapos ang programa na nakakolekta ki 177.63 kg na plastic waste materials
 |
| Litrato sa itaas buda sa ibaba: Pira sa mga estudyante kan Community College of Manito na nagpartisipar sa aktibidad. |
 |
 |
| Paul Edward Acosta, Environmental Monitoring Officer kang DENR (Bicol). |
—Welsie Abellano buda Maria=Laarni Dajac
Post a Comment