TAYO Nagtanom ki bakawan sa Cawit

Photo from top to bottom: Mga miyembro kan Team Albay Youth Organization (TAYO) na nagtaranum nin mga bakawan sa Cawit.
Photo Credit: Mund Daen

Sarong programa na tigaapud na Manito Mangrove Project ang inilunsad kan grupo kan Team Albay Youth Organization (TAYO) sa Brgy. Cawit kan Hunyo 23, 2018 na may obheto na makapagtanom ki bakawan sa coastal area kan Brgy. Cawit buda Pangsod, It-Ba, Manito, Albay.

                Segun kay Reymart Regalario, Forest Protection Officer kan Department of Energy and Natural Resources (DENR), ang proyekto ay inapod na Manito Mangrove Project na pinunan kan Enero 2018 buda balak tapuson sa Desyembre 2018. Ang project implementor kan programa iyo ang Albay Bluelane Inc. PENRO Albay buda LGU Manito. Target kan grupo na makapagtanom ki 20 ektarya pero sa ngunyan nakapagtanom na sinda ki labi 23 thousand na bakawan. Dagdag niya pa na dakulang tabang ang programa sa mga barangay na saindang tatanuman ta makakatabang ito sa anumang kalamidad na matama sa mga coastal area arog kan mga nasabing barangay.

-Michael Legaspi