Suspetsadong drug pusher, user dakop sa buy bust operation

Sarong lalaki ang dinakop sa buy bust operation kang mga pulis na pinanginutan ni Police Chief Ronaldo Guiriba kairiba ang PDEA buda barangay officials kang April 3, 2018. Nabisto ining si Enrique Torralba Gonzalez, kan Brgy. Buyo, 35 anyos.

Nakua digdi ang 1 sachet na pigtutubudang shabu buda 2 pidasong sanggatos pesos (100.00) kairiba naman pati motor. Nangyari ang operasyon sa Purok 1 kan Buyo.

Segun kay Police Chief Guiriba “Ining nadakop mi ay bako lang pusher kundi user man. Nagpositive siya sa urine test. Si Enrique Torralba ay dati na ining nagsurrender samuya na nag-avail man kang Recovery and Wellness Program pero dae ta man masabi na ang tawo mabago man giraray pakatapos.”

Ngunyan na Abril 26, 2018, nasa kustodiya pa kan mga pulisya si Torralba buda nag-aalat na sana ki commitment order ngani maitransfer na ini.

May 38 surrenderees man na matapos sa Moral Recovery Program, pakatapos kaito, may iba pang mga programa arog kan wellness and fitness activities, buda TESDA livelihood programs.

Ngunyan na 2018, saro pa sana ang nagsuko na drug user sa mga kapulisan.

--Renz Marion B. Daz buda Glorilyn D. Reodique