Aksyon sa tubig mapadali kuta na—pakimaherak ki sarong residente

Ni Glorilyn D. Reodique

                 

            Si Mary Grace Imperial, saro sa mga residente kan Purok 3 kan Brgy. It-ba ang dismayado sa sistema kan patubig sa nasabing barangay. Kan Abril 2, ipigpost niya sa Facebook ang saiyang hinanakit, uni ang eksaktong sabi niya,

“Nakakabadtrip lang talaga ang kakulangan ng tamang supply ng tubig dito sa centro, ilang linggo na kami walang tubig at kung saan saan lang makiki igib ng tubig kung may maigiban, eh tulad ngayon na wala? Hindi ba kaya pabilisin kahit konti ang aksyon ng kinauukulan tungkol sa problema ng Manito sa tubig? Halos marami ang apektado pero hanggang ngayon ang plano at solusyon ng pangmatagalan ay di pa rin nakikita ng taong bayan. Ilang buwan o taon pa po ba kami mag titiis bago maayos ang sistema ng tubig dito?#justsaying #crisison water supply

Ang post nagkaigwa ki halos sanggatos na likes buda reactions. May nagkomento pa nganing ipa-Tulfo na daa.

             Sa sarong informal interview kay Ms. Imperial sinabi niyang puon kan Marso 8 hanggang ngunyan (petsa kan interview, Abril 20) wara ki bulos su linya ninda. Mapakabit daa kuta sinda sa may itaas ta duman daa ang may bulos, pero sabi kan tubero dai na daa muna. Maghalat halat na daa muna sinda sa aksyon kan munisipyo ta baka maayos na man sana daa.

Ang sistema ninda ngunyan, nakikiarok sinda sa pagtaraid ki atabunon, kung nuarin dai ki  naggagamit.

Ang Manito biniyayaan ki mayaman na kapalibutan, pero nata ta su mas kaipuhan lugod kan tawo iyo ang nagkukulang? Tubig ang pinakaimportanteng elemento sa buhay kan tawo urualdaw kaya sana matawan ki solusyon ang mas naglalalang problema kan mga tawo digdi.