Who's Who in Manito: Kgwd. Rogelio A. Aringo

Kgwd. Rogelio A. Aringo

Name: Rogelio Agripa Aringo

Age:  64 years old

Address: Cawayan, Manito, Albay

Mother: Salvacion Agripa Aringo

Father:  Matias Arganda Aringo

Wife: Evelyn Abion Mabelin

Children: Maria Donna Aringo Guiriba, Shaila Aringo Dado, Rommel Mabelin Aringo

Elementary: San Francisco Elementary School

Secondary: Divine Word College of Legazpi

Tertiary:  Albay School of Electronics

Occupation before entering Politics: Farmer

Years in Politics: 9 years

Committee: Committee on Senior Citizens and Persons w/ Disabilities

                1. Ano ang pagmati na sa Manito ka nakaistar?

“Maugma ako dawa dae ako nagdakula digdi ta digdi ako nakaagom. Sa laog nin 40 taon, digdi na ako nag istar. Matrangkilo asin asensado.”

2. Ano ang nagbusol saimo ta nganing maglaog sa pulitika?

“Primero, su agom ko. Dati siyang Municipal Councilor. Maray man so padalagan kang mga kairiba kan sakong agom sa konseho. Gusto ko pang madagdagan su mga nagibong karahayan kang konseho bilang katuwang kan presenteng opisyal.”

3. Sisay ang nag impluwensya saimo ngani maglaog sa pulitika?

“Syempre so pamilya ko, tangani mabawasan su kapungawan duman sa sakuyang agom na dating Municipal Councilor na si Evelyn Aringo.”

4. Ano ang problemang naiiling mo sa Manito?

“Primero, dae kita ki pondo. Dipisil maghanap lalo na sa paghanap ki lugar na matatapukan ki basura pero nagmamaliogot an LGU na makakua nin matatapukan ki basura. Kaya ngani naggibo kami ki resolusyon ngani maging Sister Locality kan City of Legazpi an Manito ta baad magustohan kan LGU Legazpi na makatapok kita ki basura sa landfill ninda.”

5.Ano ang problemang nararanasan mo sa Manito bilang serbidor?

“Dae ako nagkaproblema ta positibo an sakuyang pakiiba o pakikapwa ko sa mga tawo sagkod sa mga halangkaw na opisyal kan gobyerno.”

6. Ano ang pinakadakulang “challenge” saimo bilang Municipal Councilor?

“Su kagustuhan ko na magtabang para sa kauswagan asin pagtalubo kan satuyang komunidad manungod sa ekonomiya, ngani maski diit mabawasan ang satuyang pagtios.”

7. Ano ang plano mo sa masunod na eleksyon?

“Dae na ako makandidato sa masunod na eleksyon ta pigbawal na sa New Local Government Code Republic Act 7160.”