Desisyon sa UV express wara pa sundo ngunyan

Nakauron kan Manito’s Time (MT) si Mr. Dan Maravillas, President buda CEO kan Jerico Developer & Management Services (JDMS), Inc. via phone interview kan Marso 16, 2018 manungod sa request for endorsement kan grupo ninda para sa UV express.

“…sinulatan namin ang Manito and it’s already seven months, wala pa silang desisyon… wala pa silang formal endorsement to open the route of UV express Manito-Legazpi and vice versa…”

Nakauron ni Mr. Maravillas si Vice Mayor Belludo kan Marso 14, 2018 kan nagdigdi siya sa Manito. “Sabi niya, wala pa silang final decision, gagawa pa sila ng resolusyon and ordinansa…”

Nakauron niya man si Mayor Joshua Mari C. Daep kan aldaw na ito. Sabi daa ni mayor, ipa-follow up niya daa su SB members.

Pitong bulan na puon kan nagsurat sinda sa SB manungod sa request nindang endorsement kan pag bukas ki linya kan UV express digdi sa Manito. Limang bulan bago nasimbagan su surat ninda.

Nabanggit niya man na nakakaag sa Local Government Code na dapat sa laog ki 15 aldaw nasimbagan na ang anuman na komunikasyon.

Ang Local Public Transport Route Plan (LPTRP) ang saro sa mga requirements kan DILG, sabi ni Mr. Maravillas, “trabaho nila [SB] yun…”

Dagdag niya pa, “Nadelay doon sa Sangguniang Bayan during their session…sumulat kami kay Mayor Daep na requirement naming mga operator na mag-aapply sa LTFRB na we have to submit the requirements… una yung endorsement ng LGU, pangalawa naman yung terminal...kung wara ang LGU, dapat igwang private terminal o garage..”

Naistorya niya man na kan pag-apply ninda ki business permit, dai pa sinda naisyuhan ki application form ta “Walang ordinansang pinapasa ang LGU Manito sa pagkuha ng business permit sa terminal.”

Hangga’t warang ordinansa ang munisipyo sa pagkua ki business permit, dai sinda makakakua para sa private terminal.

“Yung aircon van, we are proposing because there is a public need…”

Sa ngunyan naghahalat sinda na magpaapod ki public hearing si Kgwd. Marilou Dagsil tungkol sa request nindang endorsement sa UV Express.

--Interview ni Nerissa C. Daen, report ni Glorilyn D. Reodique

Manito's Time, March 31, 2018