BFP nagpatraining sa firefighting, rescue, first aid

 Pira sa mga myembro kan firefighting unit ang nakabalong maggamit kaini. Nasa likod ang iba pang mga fire marshals buda sira FO1 Zaldy Lotivio buda FO1 Kevin Gile.

Nagkaigwang training ang Bureau of Fire Protection (BFP) para sa firefighting, rescue, buda first aid sa Balabagon Elementary School kan Marso 26, 2018 na pinangenotan ni SFO2 Narcisso F. Lita buda kan saiyang mga kaibang bombero. Labi sisentang (60) estudyante ali sa Hologan, Cavit, buda Balabagon Elementary School ang nagpartisipar digdi.

Segun kay FO1 Jose Esmeria, saro sa mga bombero, obheto kan training na ini na “mag-establish per school ki rescue team para habang aki pa sinda natututo na.” Dagdag niya pa, “an training na ini mababanga sa firefighting unit, rescue, buda first aid. Ang first aid mababanga sa tulo para sa bandaging, splinting and spineboard managing.”

Saro sa mga estudyanteng kaintra sa firefighting unit ang nagdudugdog kan sulo gamit ang tubig matapos gamitan ki fire extinguisher na ipigturo ni SFO2 Narcisso Lita. Nasa likod si FO1 Zaldy Lotivio, FO1 Kevin Gile buda ang iba pang mga estudyante kan Balabagon, Cavit buda Hologan ES.  Photo: Glorilyn D. Reodique

Si SFO2 Lita ang nagturo sa firefighting kung sain tigreview niya an mga aki kan basic elements kang fire buda nagturo siya kung pano aapulahon ang sulo. Sa rescue unit man sira FO1 Jose Esmeria buda FO1 Kevin Gile na nagturo kan tamang pagtabang sa naaksidenteng pasyente. Nagturo man ki bandaging, splinting, buda spineboard managing sira FO1 Zaldy Lotivio buda FO1 John Llana.

Si FO1 Esmeria (too) buda FO1 Gile (tahaw) na nagtuturo kung pano ang tamang  pagbuwat ki  biktima gamit ang piggy back carry. Si FO1 Lotivio ang nagbubuwat sa nagboluntaryong biktima na myembro kan rescue team.

Segun kay Wendelyn Datu, fire marshal buda estudyante kan Hologan, “happy ako ta ngunyan ko pa lang naaraman so mga tigturo kasubago. Nanudan ko so tulong elements sa triangle, so oxygen, fuel, buda heat. Makakatabang ini sako ta pag sa arong o eskwelahan may sulo, pwede ito i-apply.”

Si FO1 John Llana buda FO1 Zaldy Lotivio na nagtuturo kan bandaging, splinting, buda spineboard managing sa mga first aiders.

Segun man kay Ms. Venus Reodique, School Head kan Cavit buda Balabagon ES kan aputon ini kun ano an saiyang masasabi sa activity, “Ok man, magayon an panahon, su goal ninda natupad, kung ano su purpose kang training ninda natupad.”

Bago magpuon kan firefighting, pinagirumdom ni FO2 Lita na dapat tandaan ang P.A.S.S sa paggamit kan fire extinguisher.

Sarong first aider (nakaputi) buda rescuer (naka-orange) ang nagpailing kan saindang naukudan sa training sa ampang nira FO1 Gile, FO1 Esmeria, FO1 Lotivio, FO2 Lita buda iba pang mga trainees.

Si Ma'am Venus Reodique, FO2 Lita buda FO1 Lotivio kaiba ang mga estudyanteng nag-atendir sa patraining kan BFP.

— Ma. Theresa Daen, Jonel Arizapa, Marlon Balictar, Glorilyn Reodique, buda Gemalyn Dawal

Manito's Time, March 31, 2018