MATIANO MAN?

Ni Resa Joy Domingo

                 

Matiano man daw sa pamati ang dai makakarigos sa laog nin mga pirang aldaw? Wara ka nang maibado ta tambak na ang mga labahan, dai ka makapanlaba? Pigkarayasan na ki mga manok an mga kaplatohan na kinaraunan ta dai pa magkakaurugasan? So bihira ka manipilyo ta wara panlimugmog? Lalo na ang paglaog mo sa kasilyasan na namarangkay na. Mamamata talaga ang saimong arong kung wara ka nang istak na TUBIG sa mga galunan mo. Siguradong malibong sa payo!

Naranasan mo nang maglugsot-tukad maski arayo, maka-arok ka sana ki dawa duwang galon na tubig? Kinurulugan ka man gayod ki lawas, adi?

Pag arog kaini ang senaryo sa sarong lugar, asahan mo na ang makadangog ka ki manlain-lain na reklamo. Pag dai ka nakadangog, ay, iba na an! Kung baku kang bungog eh di posibleng nagbubungog bungugan ka lang. Imposible man na pag warang tubig dai ka maka sawod ki reklamo, so ibang tawo pa daw?

O kaya sabihon tang may tubig man ngani saindo pero minsan igwa, madalas wara? Ta ngani pantay, madalas igwa, minsan wara?

Sa buhay nin lambang saro, pag wara tubig, MABATA KA!

Kung wara tubig sa gripo, magtabang ka mag-irahay sa dawa anong paagi nganing magkaigwa. Dai na mag-maisip na ki mili “sinda sana nanginginabang”. Dai ka man mag dunong na sinda na sana, dai ka na matabang. Ta aram mo, maray bagang may nagiginibo kang maray para sa kapwa mo. Masupog ka man kung ika na sana priming pig-gigibuhan ki maray o pigpapa-urog.

Ang tubig importante sa buhay ta. Pag wara na naman tubig sa gripo, MUS TA IRAHAYUN TA!

Manito's Time, November 30, 2017