An Satong Bulkan

ni Chrissanta D. Bayna

Nagtutugang Mayon. Photo Taken on January 22, 2018 by Glorilyn Reodique

Bulkan na magayunon

Kalamidad na marauton

Kaya kaligtasan ta ang isipon

Bako puro pagpagayon ang inuton

Gibuhon ta ang mangadyi

Maray man o bako ang pagmati

Wara satong ibang masalbar

Kundi makusog tang pag-alabar

Milagrong piligroso

Na nagpailing sa mga tawo

Si Magayon asin Panganuron

Namustra daa sa mahibog na abo!

Iyo! An pagkamoot pwede mapugulan

Pero an pag-alburoto kan bulkan

Iyo an dae ta kayang pugulan

Halos magsabog sa kulog na namamatian

Kaya tabi siya pirmi tang omawon

Ta siya perpekto asin magayunon

Pero saro man ining madayaon

Ta bigla na sanang nadadagiton

Mala kan banggi nagimata ako

Sa makusog na agubuhob na namati ko

Inapot ko si Ma kung ano ito

So bulkan daa apurado asin aborido.

Ang iba muya pang mag aranihon

Ta maselfie daa duman sa Mayon

Kung kamo baga natakluban kan ash fall

Di dae na kamong ligtas sa kagadanon

Pati man so sarong babae

Grabe pa man ang painosente

Kun mambasol sa tawo grabe!

Dinaog pa si President Duterte.

Sya una man kung Dyosa na!

Sana gabos na Bicolano matahuban daa

Kung pasabugon ko ang pandok niya

Kung ano man sa pagmati niya.

Mapirang semana nang nagtutuga

Mangadyi, magbakli gibuhon ta

Sa mga pasyaran arani sa bulkan

Dai muna magduman

Paumayan muna an kamunduan

Na namamatian kan satong Bulkan

Ta ngani kita dai man na pagbasulan.

Manito's Time, February 2, 2018