Who's Who in Manito: Kgwd. Marilou Dagsil

Kgwd. Marilou Dagsil, Chairman kan Committee on Transportation

Name: Marilou Dagsil

Age: 52 years old
Address: Buyo , Manito , Albay

Mother: Elsie Payte Daria

Father: Rodolfo Bamiano Daria
Husband: Westrimundo Caretero Dagsil
Children: Melody Dagsil Laumann, Marjun Dagsil,  Joan Dagsil
Elementary: Legazpi Port Elementary School

Secondary: Bicol College High School
Tertiary: Bicol College
Occupation before entering politics: Teacher in Manito National High School ( 1989-1995)

Years in politics:  22 years (1995 – present)
Committee:  Transportation

1. Ano ang nagbusol saimo ta nganing maglaog sa pulitika?

Naisip ko na tabangan ang kamanitohan bako sana ang sakong mga estudyante kundi ang gabos arog kan financial assistance asin moral support. Maugma ako na maski diit nakakatabang ako.

2. Sisay ang nag-impluwensya saimo ngani maglaog sa pulitika?

Wara man. Ako lang nag-isip na pwede man palan ako makatabang maski bako ako maestra. Mas dakol pa palan ang matatabangan ko ta kung ako magturo duman sana ako sa mga estudyante makakatabang.

3. Ano ang problemang nailing mo sa Manito?

Dakulon ang problema kan Manito. Inot ang tubig ang problema kan gabos. Ikaduwa , dakol pa ang nagtitios sa Manito asin mga daing trabaho. Kulang pa ki mga establishments para magkaigwa ki trabaho. Sa pagkakaigwa kaini magkakaigwa man ki chance ang mga tawo na magkatrabaho. Halimbawa kung magkaigwa kita digdi ki mall, mga kaunan arog kan Jollibee, at least ang mga establishments na ito makakatabang na matawan sinda ki trabaho.

4. Ano ang problemang nararanasan mo sa Manito bilang sarong serbidor?

Para sakuya dati kan ako kandidato permi ako oposisyon. Gari bako akong padaba kan mga nakaaging leader. Feeling ko nagsosolo ako pero ngunyan sa pagbalik ko gari importante ako asin may lugar na. Feeling ko pirmi akong api o echapwera bilang kagawad pero ngunyan okay dahil feeling ko bako na akong api. Dati nadidipisilan ako sa kada pag iro ko huli ta bako ako kapartido kan administrasyon pero ngunyan kung ano  man ang problema sa komitiba o mga pigtatao kong  suggestions  asin request pigdadangog na ninda.

5. Ano ang pinakadakulang “challenge” saimo bilang Municipal Councilor?

Bilang chairman kan komitiba sa transportasyon dakol pang operators, tricycle, drivers ang dai pang lisensya. Minsan man pag kita nagpapasunod ki tama, ang tawo nadadagit pa. Arog kan pag laog digdi kan LTO, ito dakol ang nadadagit huli ta pigtatama ta. Pero maabot ang panahon mapapakaray ta padiit- diit kung ang mga tawo may kooperasyon sa mga ley (batas) na tigatao kan banwa. Dai na magsinutil asin magsunod sa tama ta nganing maray ang padalagan sa satong banwa.

6. Ano ang muya mong maaraman kan mga tawo na sa iling mo dai pa ninda aram?

Bilang Chairman kan Committee on Transportation gusto ko ipaaram na bilang nag aasenso na komunidad dakol na man ang ngunyan nagsusurat o nagrerequest na kita magkaigwa ki UV Express sa satuyang banwaan.  Ang Brgy. Pawa, Brgy. Balasbas asin duwang tawo ang nagsurat na gusto ninda magkaigwang UV Express kaya ngunyan bilang chairman gusto ming ipasabot na kaipuhan kan Barangay Council  o kada Barangay ki request asin attachment kan mga pirma kan mga tawo  na willing magkaigwa ki UV Express. As of now dai pa kita nagtatackle kaan, hali ako sa LTFRB wara pa kitang guidelines pero su samuya kaipuhan ta talaga ini huli ta igwa kitang mga tourist spots digdi arog kan beaches kaipuhan ini para convenient an saindang pagbyahe. Kaipuhan na talaga kan satuyang munisipyo na magkaigwa kani maski diit ta late na kitang maray. Kita na lang ang wara kaini asin makakatabang ini sa improvement o development kan satuyang banwa.

7. Ano ang plano mo sa masunod na eleksyon?

Makandidato giraray ako bilang kagawad.

Interview nira Mary Joy Principe buda Salvacion Daria

Manito's Time, February 2, 2018