10 na-impound sa LTO checkpoint, Belleza bus kaiba

Mga motor na na-impound kan LTO.

            Pigkakarkulong sampulong behikulo ang na-impound sa ginibong checkpoint kan Land Transportation Office (LTO) asin Manito Municipal Police Station (MPS) sa It-ba, Hulyo 4. Ini an sabi ni Jimmy Capiz, spokesperson kan LTO. Ini pinanginotan ni Maya Raposa, LTO team leader asin PSI Ronaldo V. Guiriba kan MPS.

                 Dadarahon sa LTO Regional Office ang mga nadakop na behikulo asin duman pwedeng tubuson kan mga tagsadiri.

                 Warang lisensyang drivers, bako rehistradong sakayan asin overloading ang nanginot sa mga kawsa kan pagkadakop.

             Na-impound man ang Belleza bus dahil sa out-of-line ini o wara sa tamang ruta na sa Sorsogon kuta na. Segun kay PSI Guiriba , aloy na daa ining nababalgar alagad dai ninda ini masita ta wara sindang authorization ali sa LTO.

                  Aminado man si Joey Orogo, driver kan nasabing bus kan inapot ini unong sa pagbalgar sa patakaran.

                 Tanganing maiwasan ini, sabi kan LTO personnel sa mga motorista, magkua na ki lisensya, magparehistro kan sakayan, buda magkua pa kan ibang mga maninigong dokumento.

-Janet Dasalla, Jonel Arizapa

Manito's Time; July 31, 2017