SSS nasa Manito para sa On-Site Registration

Add caption

Pwede pa maghabol sa On-Site Registration na piggigibo kan Social Security System (SSS) sa Our Lady of Salvation Hall hanggang alas tres (3:00 PM) kan hapon. Bukas ini para sa gabos na muya magpa-register o magpa-verify kan saindang account. Magdara sana ki Birth Certificate (Certified True Copy from civil registrar), Marriage Contract/Certificate (sa may mga agom na), Birth Certificates kan beneficiaries o mga aki kan mga mapa-register. Darahon sana po ang original asin photocopy kan nasabing dokumentos.

Segun kay Rizalina A. Carretas, OIC Accounts Monitoring Section, ang pinaka-purpose kan SSS iyo ang universal coverage kaya nagduduman sinda sa mga lugar na arayo arog kan Manito para makatipid sa oras buda pamasahe ang mga tawo.

Sabi pa niya pig-imbitaran sinda kan Socio-Economic Development Program (SEDP)- Simbag sa Pag-Asenso, Inc. digdi sa Manito. Mas mapapadali ang pagbayad o paghulog kan myembro ta sa SEDP na sinda mabayad, buda su SEDP na man ang mahulog sa SSS.

-- Glorilyn D. Reodique

sa tabang ni Jason Dasalla buda Shem Vinas

[August 14, 2017]