Mga Botante Para sa BSKE 2023 Atab Nag-arabot sa Balasbas Elem. School

Atab na nagharalat an nagkapirang botante sa Balasbas Elem. School para sa BSKE 2023.  photo:  Krystal Mae Solinap

Nagpuon ang Barangay and SK Election (BSKE) 2023 kasubang alas sais y media nin pagkaaga, Oktobre 30, 2023 sa Barangay Balasbas, Manito, Albay.

Alas singko palang nin maaga may nagkapira nang nakapila sa luwas nin mga classroom sa Balasbas Elementary School. Segun sainda, maray na daa ang atab imbis diit palang ang tawo asin madali matapos mag-boto. Igwa man ki priority lane para sa mga badus, may darang aki, PWD asin Senior citizen kada presinto.

Puon bandang alas-8:00 nagkaigwa nin maniit-diit na uran sa lugar. -- Krystal Mae Solinap