Cong. Salceda Nag-Organisar nin Mangrove OutPlanting sa Brgy. Cawit, Manito

 

Nag-mangrove OutPlanting an mga partisipante na inorganisar kan opisina ni Albay 2nd District Representative Cong. Joey Sarte Salceda Oktubre 21, 2022

Nag-organisar nin Mangrove OutPlanting an opisina ni Albay 2nd District Representative Cong. Joey Sarte Salceda kasaro an Department of Environment and Natural Resources - Regional Office V (DENR) asin Pitmaster Care Foundation, Inc. ngunyan na aldaw, Oktubre 21, 2022 alas-Otso nin aga sa Brgy. Cawit, Manito, Albay.

Pinartisiparan ini ni Atty. Caroline Cruz, Executive Director kan PitMaster Care Foundation, Inc., asin kan PRO5, BJMP ROV, NAVFORSOL, D' Beach Camp, PCA ROV, DPWH 2DEO, LGU Manito, BFP R5 Manito asin mga miyembro kan Albay Young Farmers Program (AYFP).

Nakisumaro man sa nasabing aktibidad an SK Federation kan banwaan nin Manito asin Barangay Officials kan Brgy. Cawit, Manito, Albay.

An nasabing aktibidad iyo kabale para sa birthday celebration ni Cong. Joey Sarte Salceda kan Segundo Distrito nin Albay.

"Every year kase yan ginagawa ni Cong. Every time na maga birthday sya. So for me big help talaga yan na mangrove outplanting kc pag nag darakula yan na mga bakawan big help yan pag naga bagyo lalo na pag may warning ki storm surge and pag nag kataon pag nagdakulon yan pwede maging tourist attraction yan", segun kay Manumbalay-SK Chairman asin Deputy Coordinator kan AYFP-Manito Jomari Bulawan.

-- Nikky L. Daep

Photos: Kristian Mangampo