Barangay kagawad sa Cawit, Manito, Albay saro sa igwang kaso sa SAP

Ibinareta sa Manila Bulletin kan Mayo 21, 2020 na saro sa mga kinasuhan kan DILG ang sarong barangay kagawad sa Cawit, Manito, Albay sa sala daang pagdistribwir kan Social Amelioration Program (SAP).

Segun sa bareta pigsasabing binaranga daa ang assistance para sa beneficiary ta nganing maitao man sa mga wara sa lista.

Segun daa kay DILG Secretary Año, "It is corruption at its finest. Hindi natin ito palalampasin."

Dagdag man ni DILG Spokesman Jonathan E. Malaya manungod sa kinasuhan sa Tondo, Manila City, saro pa sa dakulang sala iyo ang nepotismo (o ang pagpabor sa mga kaparyentes).