Motor, kotse nagsalpukan sa Cabacongan

                                  Aksidente sa Cabacongan na nagkawsa kan pagkabari kan toong bitis ni Mr. Dagal.                         

Photo: Chrissanta Bayna

               Nagsalpukan an kotse asin motor sa Purok 1 kan Cabacongan kan Abril 17, 2019.

Motor ang pig mamaneho kan 33 anyos na si Lito Dagal (DPWH Maintenance) kaiba si Kimberly Añonuevo, 24 anyos na hale sa Purok 9, Brgy. It-ba, Manito, Albay paduman sa Legazpi, habang ang drayber man kan kotse pa-Manito haleng Lipa, Batangas City kang mangyari ang aksidente na nagresulta sa pagkabari kang toong parte kan bitis ni Mr. Dagal.

Segun kay Manito Police Captain Nathaniel Jacob asin base man sa police blotter, may pig-iwasan an drayber kan kotse. Pagliko kaini, nasakop so sa ibong na linya kan tinampo asin dae namangnuhan an kasabat na motor. Bari an toong parte kan bitis ni Mr. Dagal asin minor injuries man ang nakua kan saiyang kaiba na si Ms. Añonuevo.

Renispundehan ini kan mga personahe hale sa MDRRMC, RHU, PNP, BFP Manito asin dinara ang biktima sa BRTTH.

Segun sa katrabaho ni Mr. Dagal na si Joel Regalario, taga-Cabacongan, “Pakailing ko kaito na siring ang kamugtakan namunduon man ako, bata uguson man ako duman… Para sako syempre ta dae na ito makatrabaho ta putol na so bitis dapat sustentuhan ito kan nakabangga bulan-bulan ta bulan-bulan may sweldo ito, pero nasa uron nindang duwa an kung ano.”

-- Chrissanta D. Bayna, Ma. Ediliza An,

Marlon Balictar

buda Jerico Daep

--Manito's Time, May 12, 2019