Duwang Maniteño pasado sa UPCAT

 Edmundo Logronio buda Hyacinth Silerio, mga estudyanteng nakapasar sa UPCAT.
Photo: Janiza Benitez
Litrato ni Hyacinth hali sa saiyang Facebook account.

Hyacinth Silerio

Saro na namang Maniteña ang nakapasar sa nakaaging University of the Philippines College Admission Test (UPCAT). Siya si Hyacinth Toledo Silerio, pinakamatuang aki ni Analiza T. Silerio asin Jerome Domingo D. Selerio  Jr.

Siya bagong gradwar kan Manito National High School ngunyan na taon, na nagresibi ki kadakol na mga awards kaiba na an With High Honors, Scout of the Year, Literacy Award asin nagkapira pa. Siya puminasar sa University of the Philippines Los Baños Campus sa kursong BS Agricultural Biotechnology.

Nagluwas an resulta kaini kan Abril 1, 2019. Segun sa saiya, pag una niya pa kaiba sa “April Fool’s Day” an nagluwas na resulta. Pero kang ini tig tsek niya sa internet, totoo palan talaga.

Sa samong interbyu, tigheras niya samuya an saiyang mga naging preparasyon. Kan Abril 2018 pa sana nag poon na siya mag-self-review. Nakatabang man daa saiya ang Energy Development Cooperation (EDC) na nagtao nin libreng pa-review para sa mga iskolar kaini kung sain saro siya duman. Naging guiding principle niya man daa an bersikulo sa Bibliya na Philippians 4:13 “ I can do all things through Christ who strengthens me.”

Poon pa sana kan aki siya, pangaturugan niya na an magklase sa UP. An mga naging inspirasyon niya para maabot ini iyo an saiyang pamilya, an saiyang pinsan na si Marivic Toledo na sarong UP alumni asin an saiyang pangaturugan na makalaog talaga duman. Kan siya samong inapot kung ano an matatao niyang mensahe para sa iba pang Maniteño na nangangarap man na magklase sa UP ini an saiyang simbag “Kung dream mo talaga, dapat you work hard for it, you pray hard for it and kung para sa’yo, para sa’yo talaga.” Siya sarong ehemplo para satuya. 

Tunay kang onra kan Manito!

— Charlotte Mae Dajac

________________________________

Edmundo Logronio

Ginibo an University of the Philippines College Admission Test (UPCAT) sa Sunshine International School sa Daraga, Albay. Saro sa limang estudyanteng nag-take hale sa Cawayan High School an masuwerteng nakapasar sa admission test. Saro siyang mahigos, aktibo asin mataling estudyante kan Cawayan High School. Naggradwar siya kan Abril 3, 2019 asin naresibe an mga awards na With Highest Honors, Senate Gold Medal of Academic Excellence Awardee, EDC Academic Excellence Awardee, Best in Social Science, Best in Communication Arts, Best in Work Immersion, Conduct Awardee asin iba pa. Siya si Edmundo Dagta Logronio, 19 anyos na taga Purok 1 Cawayan, Manito, Albay.  Aki ni Asuncion D. Logronio asin Felicito S. Logronio.

Segun kay Mr. Logronio, sa tabang kan Energy Development Corporation (EDC), nagkaigwa sinda ki 20 aldaw na preparasyon sa ginibong exam. Nag-review sinda sa Sorsogon National High School poon Hulyo 28 sagkod Setyembre 9, 2019 kada weekend. Sabi pa niya, “pangarap ko talagang magklase sa UP, kaya sa paagi kan UPCAT ini an naging stepping stone ko ngani maabot ko an sakuyang pangaturugan na magklase sa UP. “

Dagdag pa niya, “an UP kaya may two choices ka kung anong campus and four courses each. Sa UP Los Baños an pinili kong courses, BS Math and Science Teaching, Agri-Biochemistry, Social Work and Tourism”.

Marso 2019 kan magluwas an resulta. Segun saiya, dai siya makapaniwala ta dakol siyang winalat na blangko asin correct minus ¼ kan mga salang simbag man an pag-check kan exam.

UP Los Baños an saiyang napiling eskwelahan sa kursong BS Math and Science Teaching. Pero sabi niya dai pa ito pinal ta nag-aalat pa siya kan resulta kan Philippine Military Academy (PMA).

Bukod sa UPCAT, igwa pa siya nin ibang pig- examan. Pasado na man siya sa Bicol University (BS Accountancy), DOST SEI Undergraduate Scholarship Program  buda  Philippine Military Entrance Exam (kaiba siya siya sa 1,506 na nakapasa).

Kung sakali man daw na makapasar siya sa PMA, ito daa an saiyang prioridad ta bako lang entrance exam an pigbasehan ngani makapasa. Igwa nin medical asin physical exam. Dagdag pa niya,” Sa ngunyan po nagdedelibaration sa PMA board of directors para sa official list kan mga kadete, last week kan April to 1^st week kan May pa daw ang result. Mahigit 29,000 po so nag exam at 1,506 so nakapasa sa entrance exam. Sa 1,506 na passers po only 400 an kukuwaon (320 males at 80 females).”

-- Janiza Benitez

-Manito's Time, May 12, 2019