RONDA BARANGAY March 2019

Pig-rerenovate ang Health Center kan Manito na gigibuhan ki ikaduwang palapag. 

Photo: Michael Legazpi

It-Ba

                 Segun kay Doc. Michael Angelo Oñate, nagpuon ang pagsaayos kan Health Center kan bulan kan Pebrero.

                 Ipinaayos ini huli ta luma na buda raot na ang ibang parte kaini. Magkakaigwa na ini ki ikaduwang palapag.

                 Ang natada na sana iyo an lying-in. Duman na muna nagdederetso ang mga pasyente ta nganing matawan ki first aid.

Dai man ki kakulangan sa pagtao ki serbisyo sa mga pasyente, matatapos an pagsaayos sa  ika-walo o lampas pang 10 bulan.

                

--Jarryl John Ador, Vicente Aringo, Michaael Legazpi

                

Balasbas

25 na aki edad 0-6 years old an nabakunahan kontra tigdas sa Sitio Balading kan Pebrero 22, 2019.

-Ma. Theresa Daen

Manumbalay

            Saro sa mga plataporma ni Newly Elected Barangay Official Mrs. Martha Trilles kan Brgy. Manumbalay naimplementar na.

            Segun saiya, “Naging estudyante man ako before, ini saro sa mga objective ko ang makatabang ako mga eskwela”. Ini ang libreng sakay para sa mga estudyante kan nasabing barangay.

Ini nag operate na puon kan Setyembre  2018.

-Maria Edeliza An

Buyo

               Sarong soltero kan Brgy. Buyo na si Benglen Aycardo ang nagboluntar kan saiyang reyalisasyon matapos na mailo sa pakiinuman nin alak kan Oktobre 16, 2018. Gusto niya ipaabot sa iba ang nangyari saiya nganing magsirbi ining leksyon sa iba.

"Dae makipag-inuman sa dae mo bistadong tawo ta pag na ilo ka timbang buhay an aabutan mo kaan arog kan nangyari sako." Pasalamatunon siya ta siya narahay pa, sinabi niya na dae kaya siya nakakalingaw na mangadye, dugang pa niya, "Ginibo ini kan Diyos nganing marumduman ko siya asin nganing maging harani saiya."

Puon kang pangyaring ito sinabi niya na dae na siya nakikiinuman sa dae niya bistadong tawo asin limitado na sana siya kun uminom ngunyan.

- Chrissanta Bayna

Hologan

         Nagpuon na an Inter-Color Basketball Tournament 2019 sa Brgy. Hologan para sa Seniors buda Midget Division kan Marso 16, 2019 sa Basketball Court,  na may temang “Bola kontra Droga”  

           Pinunan ini nin parada kan mga Inter-color players sulog an saindang team uniforms sa panginginot kan Hologan Drum and Lyre Corps. Sinundan ini nin formal program na inatindiran nira Hon. Vice-Mayor Carlito Belludo, Hon. Kgwd. Randy Madrid, Brgy. Captain nin Hologan na si Hon. Rona Viray alagad Jigz Lopez, running for Vice-Mayor, na nag-donar ki 10 bola sa barangay.

             Nagpuon an inot na laban hali sa Midget division na sinundan nin saro man na laban hali sa Seniors Division.

Kada Sabado buda Dominggo an kawat na gaganapon nin alas 2 nin hapon.

                 Jump ball sa Inter-Color  Basketball Tournament sa Brgy. Hologan  na pinanginutan ni Vice-Mayor Carlito Belludo kan Marso 16, 2019.                 

Photo: Jackelyn Dimdam

--Resa Joy Domingo

Manito's Time, March 25, 2019