Problema sa tubig tinawan linaw ni Engr. Luna

                 

               Tiglinaw ni Engr. Louie Luna an isyu manungod sa problema kan tubig sa Manito sa saiyang interbyu kan Oktubre 19, 2018.

 Segun saiya, sarong rason an illegal tapping kun kaya nawawaran ki bulos nin tubig an It-ba.

Igwa daa ki long term buda short term na plano para digdi sa tubig. Sa long term inot, iyo ang rehabilitation. Digdi na malaog so additional supply o ang dagdag na source. Panduwa, iyo an replacement, pagpalit ki mga bagong tubo ta so iba embedded na, so tig-sabing tig-kaon kan kanal, buda pantulo, iyo an batas na dapat na maimplementar na para ma-address an mga problemang  ini.

            Sa short term, “Nag-gibo kami ki tubong  su surod-surod baga para duman magkonektar ki tubo su mga household. Su duman sa may ospital na-address mi ito pero su ibang purok nag-uyon su iba dae. Panduwa, nag-purchase kami ki mga plastic containers kaya ngunyan nagrarasyon kami ki tubig.”

             Dagdag niya pa, “Nagtatabang man so mga barangay. Tig-rerestore mi so pinakasource kan tubig sa Kimahat. Parte ito kan short term method mi. Nag gibo kami ki minibox na masalod kan nagtagas na tubig sa tangke tapos tigtubuhan mi ito pasiring sa main source ta nganing maibalik ang tubig sa dati. Magibo kami ki additional neighboring source, 1.5 km pasiring sa original na source. Ining additional source magtatabang sana duman sa original source ta dae na kaya kang original source ang volume kan tubig pero bako ibig sabihon na aalion ining original source.

           Manungod sa pagrasyon ki tubig, “Minsan so mga marasyon nagsasarayuma na man ta mga maisugon  man daa ang mga tawo, ta so iba man gayud na may 10 na istakan  muya pag diyan kan trak sainda na gabos na tubig, pag dae natawan gabos dapat bumalik so trak sainda man giraray, pag dae pa naubos balik naman.” Tigtabangan man sinda kan kapitan buda tanod kan barangay asin sa It-ba sana ang pagrasyon ki tubig.

          Mensahe niya man sa mga tawo, “Although naiintindihan mi man na ang tubig talaga saro sa mga basic na kaipuhan ta sa urualdaw, so siguro maging pro-aktibo kita kumbaga ilingon ta so tunay na nangyayari, so tunay na problema. Magtarabangan kita ta bako man sana LGU ang involve digdi, bako man sana engineering, magtarabangan kita ta dakol ang involve. Tig-gigibo mi ini para sa mga residente man sana.”

--Chrissanta Bayna buda Ma. Theresa Daen