Intercolor Finals: Kinarne kan Danny's Meatshop ang Archangel, 80-68
ni Catherine Joy A. Daep
Makusog na nagpoon ang Danny's Meatshop. Nag-aatake sa basket buda nagadepensa ki maray dahilan para sampulong puntos sana an nakua kan Archangel buda uminarangkada an saindang team sa dose puntos na kalamangan sa pagtatapos kan first quarter.
Namantinir kan Danny's Meatshop an saindang kalamangan sagkod matapos ang first half. Saindang pinamalas an magayon buda sistematikong ball movement, communication buda teamwork na nagresulta sa 37-29 na iskor, pabor sainda.
Pag-abot kan 3rd quarter, nabuhay an Archangel buda nabukod an kalamangan kan Danny's Meatshop. Pag-abot kan 6:00 remaining time kan 3rd quarter, tulong puntos na sana an lamang. Natapos ang 3rd quarter sa iskor na 60-49, kalamangan kan Danny's Meatshop.
Makusog an kamuyahan kan Archangel na manggana, nagatira ki tres buda nagapwersa ki drive para an kadaklan digdi unfinished drives. Seconds to play, nasa Danny's Meatshop an bola, suminuko na an Archangel huli kan iskor na 80-68, imposible nang mabakay pa an kalamangan kan Meatshop.
Sarong pagpuna sa kawat an bako mahigpit na mga referee huli ta may mga dai inapudan ki technical foul sa players kan Archangel, Jersey No. 4 and Jersey No. 0. Kan 1:44 an remaining time kan 4th quarter naglaog si Toledo 4 na dai naka-tuck in buda kan 1:25 remaining time si Daep 0 naman an nagkawat na bako pakaray an pagka-tuck-in.
Sa udyan, an Danny's Meat Shop an tinanghal na kampyon sa Intercolor Division.
SCORES:
Danny's Meat Shop (80) - Daep 17, Jersey No. 64 15, Daep 11, Ortiz 11, Aycardo 8, Decano 8, Daep 7, Ortiz 7, Aguila 0, Aycardo 0, Daep 0, Del Castillo 0, Padilla 0, Taguilid 0
Archangel (68) - Toledo 18, Daep 16, Daep 11, Belludo 8, Guevarra 7, Labao 4, Sefriuto 4, Daep 2, Belludo 0, Belludo 0, Daen 0, Gonzales 0, Labao 0, Ramirez 0
Quarter Scores: 22-10; 37-29; 60-49; 80-68
Note: Scores are based on the statistics sheet.
Post a Comment