Sisay ang kokontakon, APEC o BFP

     Kung may nasusulong wire, transformer, putol o suminabog na linya ki kuryente, sisay ba sa duwa ang aapudan para magrespunde—an Albay Power and Energy Corporation (APEC) o an Bureau of Fire Protection (BFP)?

                Kun APEC ang kokontakun, siguruhon na kumpleto ang detalye na ipapaisi kung makaapud man. Itaram kun sain ang lokasyon o kung hain na tangod, kung kay sisay na kuntador o linya (kun kuntador man ang problema), ang purok, barangay kang pigpangyarihan buda kung ano ang naging problema asin presenteng kamugtakan dulot kan problema. Isabay man ang ngaran kang complainant ta ang APEC na ang bahala na mag kontak sa line man para magrespunde.

                Sigun kay Ryan Jake Daz, empleyado kan APEC, “pag arog kaan na may kawsang mga nasusulo mina-automatic man iyan, may mga ano kami jan, cut out na pag naka trace so linya na may mina-gari nagkadeperensya minapundo man an.”

               Sigun man kay FO1 Zaldy Lotivio, miyembro kan BFP, “Pag arog kaan na siyempre na makalayuhon na, syempre so mga tawo maaalarma kaiyan na syempre samu ito, ta may kalayo baga, so ang gigibuhon mi kaiyan, maduman kami maresponde kami pero iilingun mi ang sitwasyon. Halimbawang may mga kuryente pa, dai mi man an pwedi basta dugdugon bagang tubig ta aram baga nindo ang kalayo pag dinugdog mo baga ki tubig, matulay an. Di syempre pati kami daramay kaiyan. Pwede mi man ito dugdugon so pig aapud ming broken stream (paka-on kang hose, iputol-putol ang bulos kang tubig tapos pa-lugtok ang tama.)"

                Para sa siguradong aksyon , kung magkaniring na dakula na ang kalayo kan linya kan kuryente, transformer, kuntador, o buong poste kang kuryente kuntakon an BFP sa numerong ini 0918-317-7099 (smart) buda 0917-323-5213 (globe) asin kuntakon an APEC para sa pagkontrol kan kuryente asin sa pagpakaray kaini  sa numerong 0977-804-5798.

--Resa Joy Domingo buda Jessica Fuellas

Updated: July 22, 2018