D.A. kampeon sa Bicol Agri Expo

Si Mr. Ciriaco Padre, Mrs. Jean Dajac buda ang mga samod na ipinanlaban ninda sa Agro Expo sa Cabacongan Camalig.
Photo Credit: Dats Crissy FB page

    

Tigtanghal na kampeon ang Department of Agriculture kan Manito kan nakaaging Bicol Agri Expo na ginibo sa Cabangan, Camalig, Albay (Albay Farmers Bounty Village) kan Mayo 22-26, 2018.

    Tig partisiparan ini kan 13 munisipalidad asin tulong (3) syudad kan bilog na rehiyon kan Bikol.  Tig highlight digdi an sarong produkto kan kada lugar kun sain samod an tigpanlaban kan Manito.

                 Sigun kay Mr. Ciriaco Padre Jr., Municipal Agriculturist, “sa tabang kan staff, suporta kan mga growers kan Manito buda ni Eva Sallan na iyo an pigkuwaan kan produkto buda nagmentinar kan display urualdaw nanggana kami. “Dagdag pa nya, an criteria na tig basehan kan pagka gana iyo an minasunod; benta, kalidad kan produkto , uniqueness buda gayon kan display.

               

Mga produktong pinanlaban kan Manito.
Photo Credit: Dats Crissy FB page

                Nakaresibe sinda nin tropeyo buda certificate of recognition kun sain nakaresibe man an Local Government Unit ( LGU) kan Manito. Pwera kaini igwa man sindang nakuang cash price na 24 thousand.

          “ Pagandahin masyado yung produkto , design and quality,” patapos na mensahe ni Mr. Padre para sa mga prodyuser kan produktong samod.

—Mary Joy Principe buda Maria=Laarni Dajac