Estudyanteng nagparehistro sa LTO may mensahe sa mga driver

Si Marlon Sinforoso, estudyante kan CCM, saro sa mga nagparehistro kan motor niya buda nagkua ki lisensya sa LTO. 

Photo:  Chrissanta D. Bayna

“Maganda sa pakiramdam kasi nawala yung takot mo, para bang confident ka nang magdrive.”

Ini ang naging pahayag ni Marlon Dasalla Sinforoso, 25 anyos asin taga-Pawa matapos niyang iparehistro ang motor niya sa Land Transportation Office (LTO) kan nag-caravan ang LTO digdi sa Manito.

Tolong (3) requirements ang kaipuhan, iyo ang NSO Birth Cerificate, Barangay Clearance, asin so form na fi-fill-up-an. Sa kantidad na ₱317.63 opisyal na siyang nakakuha ki Student Permit.

“Nagparegister ako kasi takot akong mahuli ng LTO. Matagal na dapat sana, kaso kapos sa pera at saka marami pa akong inaasikaso kasi nga nag-aaral pa.”

Kan pagduman ni Mr. Sinforoso sa main office kan LTO sa may Embarcadero, tolong (3) counter lang ang inagihan niya asin madalion niya sanang nakua ang saiyang permit.

May mensahe man siya sa mga kapwa niya driver, “Dapat kumuha na habang maaga pa ng Student License para sa susunod madali nalang sila makakakuha ng professional license, hindi na rin sila matatakot na baka maimpound ang sasakyan nila.”

Labi tres cientos sana ang magagastos kontra sa pirang ribong igagawad kan motor pag na-impound o kaya nadakop sa checkpoint. Kaya kung kaya man sanang makaparehistro, magparehistro na. Kompyansa ka nang mag-drive ta nagsunod ka sa batas na iyo dapat ang gibuhon kan lambang saro sa satuya.

-- Chrissanta D. Bayna buda Jennelyn Salcedo

Manito's Time, March 31, 2018