Mylce Mella kan ABS-CBN Bicol Nagturo nin Journalism sa Manito

Si Mylce Mella asin si Cholyn Alcantara kan Manito's Time Nag-uuron kun Pa'no Mag-Interview

       Si Mylce Mella, Broadcast Journalist asin TV Host kan ABS-CBN Bicol, naging tagapagtaram sa seminar manungod sa kahalagahan kan journalism na ginibo sa function hall kan Community College of Manito (CCM) kan Hulyo 15, 2017. 

          Nasa tres cientos (300) an puminano sa function hall hale sa mga eskwelahan sa Manito. An obheto kan paseminar na pinanginotan kan Manito’s Time, CCM asin Campus Journey, school paper kan CCM iyo an madagdagan an kaaraman kan mga estudyante asin paratokdo manungod sa journalism.

           Nagtao ki maninigong impormasyon, kongkretong mga halimbawa asin mga dapat tandaan sa pag-interview. Ipigpaliwanag niya man an pagkakaiba kan mga pekeng balita sa bako.

Si Mylce Mella habang nagheheras kan saiyang mga eksperyensya sa tahaw kan nasa tres cientos na estudyante asin paratokdo.

          Nagheras man siya kan mga eksperyensya niya bilang journalist, su mga istorya buda tawong na-interview niyang dai niya malilingawan.

          “Create something out of the box.  Read, read, read, and of course PRAY (Maghanap ki mga bagong solusyon. Magbasa, buda syempre mangadyi)”, ini an naging simbag ni Ms. Mella kan inapot kun pa’no maging matrayumpong journalist.

          Apat na estudyante an nakarisibi ki libro ali kay Ms. Mella bilang premyo sa pagsimbag kan saiyang mga kahaputan. Sinda sira Hyacinth Silerio buda Loren Sta. Ana ali sa Manito National High School (MNHS) buda Ma. Cholyn Alcantara buda Rodel Serrano kan CCM.

          Uni an nagkapira sa mga reaksyon kan mga nag-aratendir:

          “I feel privileged. [Mahalaga ang seminar na ito] Para ma-inform ang students and teachers kung gaano kahalaga ang journalism at ang pagpapahayag ng genuine at legit na balita.” -- Charlotte Mae Dajac, CCM

           “Masaya kasi yung ibinigay ni Mylce Mella ay mai-aaply namin sa subject na “Creative Non-Fiction.” -- Ma. Rachelle Joy Daen, Grade 12, MNHS.

          “Sana may Part 2!” --Ms. Rosela Argote, MNHS school publication adviser

          “Matibayon ang speaker!” --Mrs. Neresa B. Toledo

          “Maugma kasi ang nagbigay ng knowledge sa amin ay isang reporter na matibay, at bihira ang ganitong okasyon dito sa Manito.” --Jaymalyn Brimon, Nagotgot High School.

           Si Mylce Mella, midbid na reporter buda saro sa mga matrayumpong journalist sa Bicol, nagwalat ki mensahe sa gabos, “If you succeed in the future, do not forget where you started…Please come back home…. (Kun mag asenso ka sa maabot na panahon, dai mo paglingawan an lugar na ginikanan mo… Mag-uli ka…)”

Bisitahon an Manito's Time Facebook page para sa iba pang mga litrato.

-Janet B. Dasalla